له‌ڕه‌شبگیرییه‌كدا توركیا 82 ئه‌ندامی هه‌ده‌په‌ی ده‌ستگیركرد

کوردستان

25/09/2020‌ 251 جار خوێندراوه‌ته‌وه

شارپرێس:
ئه‌مڕۆ هه‌ینی پۆلیسی تورکیا لە ئۆپەراسیۆنێکدا 82 ئەندامی هەدەپە و وڵاتپارێز و دۆستی کوردانی لە حەوت شاری شارەکانی باکووری کوردستان و تورکیا دەستگیر کردووە.

به‌گوێره‌ی میدیاكانی نزیك له‌ هه‌ده‌په‌، لەناو ده‌ستگیركرتوه‌كانی ئه‌مڕۆدا سری سورەیا ئۆندەر، پەرلەمانتاری پێشووی هەدەپە و ئەندامی شاندی ئیمراڵی،  ئایهان بیلگەن، سه‌رۆكی شاره‌وانی قارس و نەزمی گور، پەرلەمانتاری هەدەپە بونیان هه‌یه‌.

ئۆپەراسیۆنەکە بەسەرپەرشتی دادوەری باڵای ئەنقەرە یوکسەل کۆجامان ئەنجامدراوە، ئاشکرا بووە کە یوکسەل چەند ڕۆژ پێش ئێستا لەگەڵ ئەردۆغان کۆببوەوە.