ئه‌مریكا سزای به‌سه‌ر باڵیۆزی ئێران له‌عێراق سه‌پاند

عیراق

23/10/2020‌ 408 جار خوێندراوه‌ته‌وه

شارپرێس:
وه‌زاره‌تی گه‌نجینه‌ی ویلایه‌ته‌ یه‌كگرتووه‌كانی ئه‌مریكا سزای به‌سه‌ر باڵیۆزی ئێران له‌ عێراق سه‌پاند.

وه‌زاره‌تی گه‌نجینه‌ی ئه‌مریكا به‌فه‌رمی ڕایگه‌یاند، ئیره‌ج مه‌سجدی، باڵیۆزی ئێران له‌ عێراق ده‌خاته‌ نێو لیستی سزاكانیه‌وه‌ و ده‌ڵێت "ئه‌و بڕیاره‌ بۆ پاراستنی خه‌ڵكی عێراقه‌ لە کاریگەرییە خراپەکانی فەیلەقی قودسی سوپای پاسداران".

وه‌زاره‌تی گه‌نجینه‌ی ئه‌مریكا ئاماژه‌ی به‌وه‌شداوه‌، باڵیۆزی ئێران له‌ عێراق فه‌رمانده‌یه‌كی باڵای فه‌یله‌قی قودسه‌ و ڕۆڵی هه‌بووه‌ له‌ ڕاهێنان و پڕچه‌ككردنی میلیشیاكان.

هاوكات وه‌زاره‌تی گه‌نجینه‌ی ئه‌مریكا جگه‌ له‌ باڵیۆزی ئێران له‌عێراق، سزای به‌سه‌ر چوار به‌رپرسی دیكه‌ی ئێرانیدا سه‌پاند.