شارپرێس:
كۆمپانیای هاڤاڵی چینی وەبەرهێنی ئۆتۆمبێل، ئۆتۆمبێلێكی نوێی ڕاگەیاند كە بە ڕكابەرە بەهێزەكەی ئۆتۆمبێلی لاند كرۆسەری كۆمپانیای تۆیۆتا ناسراوە.
درێژی ئۆتۆمبێلی H9ی كۆمپانیای هاڤالی چینی، 4 مەتر و 85 سانتیممەترە، پانییەكەی 192 سانتیممەترە و بەرزییەكەی 190 سانتیممەترە، و قەبارەی تایەكانی 17 و 18 ئینجن.

ئۆتۆمبێلەكە 3 ڕیز كوشتنی جلدی تێدایە كە بۆ 7 سەرنشین تەرخان كراوە، هەروەها شاشەیەكی گەورەی تێدایە كە بە لەمس كار دەكات و بۆ مەڵتی میدیا و لایەنی هونەری ئۆتۆمبێلەكە بەكاردەهێنرێت

سیستەمی ئاسایشی ئۆتۆمبێلەكە زۆر بەهێزە و هەستیاری پێكدادان و نزیكبوونەوەی لە تەنێكی تر تێدایە، ئۆتۆمبێلەكە توانای ڕووبەڕووبوونەوەی كێشكردنی هەوای هەیە و خۆڕاگرە

هەروەها تایبەتمەندی ساردی و گەرمی و جوڵەی كارەبایی كوشنەكانی هەیە، یەكێكی تر لە تایبەتمەندییەكان، نەهێشتنی هەڵم و تەمی سەر ئاوێنە و جامەكانی پێشەوە و پشتەوەیە

ئۆتۆمبێلەكە بزوێنەرێكی بەنزینی تۆربۆی دوو لیتری هەیە بە كێشی 245 ئەسپ، هەروەها بزوێنەرێكی تری هەیە بە فراوانی دوو لیتر و كێشی 190 ئەسپ و نرخی ئۆتۆمبێلەكە نزیكەی 36 هەزار دۆلار دەبێت

ئامادەكردن: ڕەنج ڕەسوڵ