یاریزانێكی پێشوی ئه‌نتەرمیلان ڕەخنە لەكۆنتی دەگرێت

وەرزش

02/03/2021‌ 218 جار خوێندراوه‌ته‌وه

شارپرێس:

ئەنتۆنیو كاسانۆ لەبارەی پاڵەوانێتی خولی ئەوروپاوە ڕەخنەی توند ئاراستەی ئەنتۆنیۆ كۆنتی ڕاهێنەری یانەی ئه‌نتەرمیلان دەگرێت.

پاش سەركەوتنی ئه‌نتەرمیلان بەرامبەر بەجەنەوا بەئەنجامی 3-0 ئەنتۆنیۆ كۆنتی وتی: ئەگەر بەمشێوازە یاری بكەین، لەپاڵەوانێتی ئەوروپایش قسەی خۆمان دەبێت.

لەوەڵامدا كاسانۆ وتی: قسەی خۆتان دەبێت؟ پاڵەوانێتی ئەوروپا جیاوازە لەخولی ئیتاڵی، خولی ئیتاڵی خولێكی ئاست مامناوەندەو خولی ئەوروپا زۆر بەهێزە.

كاسانۆ وتی: ئه‌نتەرمیلان ئاستێكی بەرز پێشكەشناكات‌و ناتوانێت یاریگا كۆنتڕۆڵبكات، پێویستە كۆنتی ئەوە بزانێت كە خولی ئەورروپا خولی ئیتاڵی نییەو ئەویش گواردیۆلا نییە تا نازناو بباتەوە.

ئامادەكردن: ڕەنج ڕەسوڵ