تاقانەیەكی
ئەنفال رایدەگەیەنێت، گوێیان لێناگیرێت و بەهۆی بەرژەوەندی حزبی و تایبەتییەوە
داواكارییەكانیان جێبەجێ ناكرێت.
سەباح
نەجمەدین، تاقانەی ئەنفال كە دوێنێ لە یادی ئەنفالدا ناڕەزای دەربڕی بە شارپرێسی
وت، ئەوەی جێگەی داخی ئێمەیە كەس بەدواداچوون بۆ داواكاری و ناڕەزاییەكانمان
ناكات، هەر بانگمان بكەن ئەگەر قسەكانم ناڕەوایە لێم قبوڵ مەكەن ئەگەر راستە پشتگیریمان بكەن و جێبەجێیبكەن.
ئەو
تاقانەی ئەنفالە وتیشی، بەرژەوەندی حزبی و عەشرەت و شەخسی وایكردووە
داواكارییەكانمان جێبەجێ نەكرێت و گوێمان لێنەگیرێت، لەكاتێكدا داواكارییەكانمان
تایبەتی نییە.
دەشڵێت،
ئێستا ئێمە نازانین ئەو ڕوفاتانە كوردن یان نا؟ یان سەربە چی عەشرەت و
بنەماڵەیەكن، حكومەت بۆئێمەی یەكلای نەكردووەتەوە ئەم روفاتانە ئەنفالن یان نا؟
ئیتر چۆن بۆ ڕایگشتی دەسەلمێنیت كە ئەنفالە.
باسی
لەوەشكرد، حكومەتی هەرێم وادەزانێت ئێمە بزن و مەڕمان گیراوە، حكومەت تائێستا
نازانێت ئاماری دروستی ئەنفال چەندە و هەر لە گۆترە ئەژماری كردووە.
دوێنێ 14ی 4 لە یادی 33 ساڵی شاڵاوی ئەنفال دا
تاقانەكانی ئەنفال و كەس و كاری ئەنفالكراوان لە گوندی دێبنە، لە گۆڕستانی
ئەنفالكراوانی گەرمیان، ناڕەزاییان دەربڕی لەوەی حكومەت بەدەم جێبەجێكردنی
داوكارییەكانیانەوە نایەت.
وەك كەس
و كاری ئەنفالكراوان ئاماژەیان پێكرد، داواكارییەكانیان خۆی لە دادگایكردنی
مستەشارەكان و پشكنینی دی ئێن ئەی و هێنانەوەی ڕوفاتی ئەنفالكروان دەبینییەوە.