شارپرێس:
كۆمپانیای Razerی ئەمریكی كۆمپیوتەری Blade 14ی ئاشكراكرد، كە یەكێك دەبێت لەباشترین ئامێرەكان بۆ یارییە ڤیدیۆییە بەهێزو قورسەكان.
بۆدی كۆمپیوتەرەكە لەچەند مادەیەكو پلاستیكی بەهێز دروستكراوە، دوورییەكەی (16,8 × 220 × 319,7) ملمەو كێشی 1.78 كیلۆگرامە.
ئامێرەكە خاوەنی شاشەیەكی 14 ئینجە بەڕوونی QHDو وردیی (2560/1440) پێكسڵو توانای نوێبوونەوەی 144 هێرتزی هەیە.
چارەسەركەری Ryzen 9 5900HX جیلی نوێ بۆ كۆمپیوتەرەكە جێگیركراوە بەتوانای 4.6 گێگاهێرتز، ڕامی كۆمپیوتەرەكە 16 گێگابایتەو هاردەكەی 1 تێرابایتە.
لەكۆمپیوتەرەكەدا دەریچەی جۆری USB 3.2 Gen 2 Type-Aو USB 3.2 Gen 2 Type-Cو HDMI 2.1ی هەیەو خاوەنی دوو پاترییەكە كە بەرگەی 12 كاتژمێر كاركردن دەگرێت.
ڕەنج ڕەسوڵ