شارپرێس:

كۆمپانیای كیا ئۆتۆمبێلێكی نوێی جۆری سیراتۆی راگەیاند، كە لە رووی تایبەتمەندییەوە دەبێتە ركابەرێكی گەورەی بازاڕی ئۆتۆمبێل لە جیهاندا.

ئۆتۆمبێلەكە خاوەنی شێوەیەكی سەرنجڕاكێش و جیاوازە لە ئۆتۆمبێلەكانی پێش خۆی، وردەكاری دیزایینی زۆرتر بۆ ئەنجامدراوە و خاوەنی لایتێكی جۆری LED ی پێشكەوتووە.

ناوەوەی ئۆتۆمبێلەكە شاشەیەكی تێدایە بە قەبارەی 10.25 ئینج كە بە لەمس كار دەكات و لە كامێراوە چواردەوری ئۆتۆمبێلەكە دەبینرێت، هەروەها شاشەیەكیش بەرامبەر شۆفێر هەیە.

پێشكەوتوترین سیستەمی مەڵتی میدیا بۆ ئۆتۆمبێلەكە جێگیركراوە، كە بەشێوەی لاسیكی و بێ وایەر بە مۆبایل و تابلێت و ئایپادە هۆشمەندەكانەوە دەبەسترێتەوە و خاوەنی سیستەمێكی دەنگیی بەهێزە.

ئۆتۆمبێلەكە تایبەتمەندی جوڵەی كارەبایی كوشنەكانی هەیە، هەروەها تایبەتمەندی نەهێشتنی هەڵم و تەمی سەر جام و پەنجەرەكانی هەیە و لە رێگا سەخت و دژوارەكان دژەخلیسكە.

بزوێنەری جۆری MPI بۆ ئۆتۆمبێلەكە جێگیركراوە، جۆرێكیان بە فراوانی 1.6 لیتر و كێشی 128 ئەسپ، جۆرێكی تر بە فراوانی دوو لیتر و كێشی 150 ئەسپ، هەروەها خاوەنی گێڕێكی ئۆتۆماتیكی شەش گێڕە.

رەنج رەسول