شارپرێس:
بانکی ناوەندی رایگەیاند، خستنە بازاڕی دۆلار لەلایەن بانکەکەوە بەڕێژەی ٩.٧٢٪ پشکی فرۆشراوی دابەزاند و ١٩٥ ملیۆن دۆلار خراوەتە بازاڕەوە.
ئەمڕۆ چواڕشەممە، بانکی ناوەندی عێراق راگەیەنراوێکی بڵاوکردەوە و تیایدا هاتووە، لە پرۆسەی کڕین و فرۆشتنی دۆلاری ئەمەریکی بڕی ١٩٥ ملیۆن و ٤٣٥ هەزار و ٣٦٣ دۆلار خراوەتە بازاڕەوە.
ئاماژە بەوەشکراوە کە بەراورد بە دوێنێ سێشەممە، بانکی ناوەندی بەڕێژەی ٩.٧٢٪ بڕی خستنە بازاڕی دۆلاری دابەزاندووە، کە بڕی ٢١٦ ملیۆن و ٦٢٨ هەزار و ١٢٤ دۆلاری خستبووە بازاڕەوە.
هەر بەپێی راگەیەنراوەکەى بانکى ناوەندی عێراق نرخی یەک دۆلاری لەبنەڕەتدا بە هەزار و ٤٦٠ دینار خستووەتە بازاڕاەوە.