شارپرێس:
سەرۆک وەزیرانى عێراق و سەرۆک کۆمارى ئێران رێککەوتن کە ڤیزا لە نێوان وڵاتەکانیان هەڵبگرن و هاوڵاتیانى هەردوو وڵات بێ ڤیزا سەردانى یەکتر بکەن.
ئەمڕۆ مستەفا کازمى سەرۆک وەزیرانى عێراق بەسەردانێک گەیشتە تارانی پایتەختەى کۆمارى ئیسلامى ئێران و لەگەڵ ئیبراهیم رەئیسى کۆبووەوەو تیایدا چەند پرسێکى سیاسى و سەربازی و ئابوری نێوان هەردوو وڵاتیان تاوتوێ کرد.
دواتر لە کۆنگرەی رۆژنامەنوسیدا ئیبراهیم رەئیسی سەرۆک کۆماری ئێران و مستەفا کازمی، سەرۆکوەزیرانی عێراق ئاشکرایان کرد کە رێککەوتوون ڤیزا لەنێوان وڵاتەکانیان نەمێنێت و هاوڵاتییەکانیان بێ ڤیزا سەردانى ئێران و عێراق بکەن.
ماوەی چەند ساڵێکە لێکتێگەیشتن لەنێوان عێراق و ئێران هەیە بۆ هەڵگرتنى ڤیزاو لە سەردەمى کابینەکەى حەسەن روحانیش رێکەوتنێکى زارەکى کرا، بەڵام عێراق ئامادە نەبوو ڤیزا هەڵبگرێت.
س.هـ