نێچیرڤان بارزانى: پێویستمان به‌ژماره‌یه‌كی زۆری قوتابخانه‌ و په‌یمانگا هه‌یه‌

کوردستان

19/09/2021‌ 557 جار خوێندراوه‌ته‌وه

شارپرێس:

سەرۆکى هەرێمى کوردستان دەڵێت: ده‌بێت بوێرانه‌ و راشكاوانه‌ له‌ بڕیاره‌ كۆن و نوێیه‌كان بكۆڵینه‌وه‌و ده‌بێت په‌له‌ بكه‌ین له‌ چاكسازییكردن له‌ سیسته‌می په‌روه‌رده‌دا.

ئەم وتانەى نێچیرڤان بارزانی، سەرۆکی هەرێمی کوردستان لە میانى وتارێکیدا بوو كه‌ لە کۆنفرانسی پەروەردەیی زانکۆی ئەمریکی کوردستان - دهۆک پێشکەشى کردو رایگه‌یاند"به‌رێوه‌چوونی  ئه‌م كۆنفراسه‌ گرنگه‌، په‌روه‌رده‌ بنه‌مای سه‌ره‌كی هه‌موو نه‌ته‌وه‌یه‌كی پێشه‌كه‌وتووه‌، ئه‌گه‌ر له‌گه‌ڵ زانست و ته‌نكه‌لۆژیا نه‌رۆین ده‌مێنینه‌وه‌".

 سه‌رۆكی هه‌رێمی كوردستان ئاماژەى بەوە کرد کە، ده‌بێ بوێرانه‌ ده‌ست له‌ چیرۆكی كۆنی خۆمان به‌رده‌ین و خوێندن و بروانامه‌ ده‌بێت بۆ ئاوه‌دانی وڵات سوودی هه‌بێت .
بارزانى روونیکردەوە کە هه‌رێمی كوردستان ساڵانه‌ پێویستی به‌نوێكردنه‌وه‌ی پرۆسه‌ی په‌روه‌رده‌یه‌ و مامۆستا كۆله‌گه‌ی پێشكه‌وتنی په‌روه‌رده‌یه‌.

هاوکات نێچیرڤان بارزانی  دەشڵێت، پێویستمان به‌ژماره‌یه‌كی زۆری قوتابخانه‌ و په‌یمانگا هه‌یه‌ و خوێندن و بروانامه‌ ده‌بێت بۆ ئاوه‌دانی وڵات سوودی هه‌بێت.


هه‌روه‌ها گوتیشی: دروستكردنی مرۆڤێكی چه‌كداری به‌زانست پێویسته‌  و سه‌رۆكی حكوومه‌ت ده‌توانێ پاڵپشت بێت بۆ سه‌رخستنی پرۆسه‌ی خوێندن و ده‌بێت بوێرانه‌ و راشكاوانه‌ له‌ بڕیاره‌ كۆن و نوێیه‌كان بكۆڵینه‌وه‌ ده‌بێت په‌له‌ بكه‌ین له‌ چاكسازییكردن له‌ سیسته‌می په‌روه‌رده‌دا.