شارپرێس:
پاش ئەوەی لە یاری پاڵاوتنەكانی مۆندیالی قەتەری 2022 هایتریكی بەرامبەر
یانەی لۆكسمبۆرگ تۆمار بكات، كریستیانۆ رۆناڵدۆ نامەیەكی پڕ جۆش و خرۆش ئاراستەی
هاندەرانی پرتوگال دەكات.
ئێوارەی رابردوو لە یاری نێوان پرتوگال و لۆكسمبۆرگ پرتوگال بە ئەنجامی 5-0
بردیەوە و رۆناڵدۆ توانی سێ گۆڵ تۆمار بكات.
رۆناڵدۆی یاریزانی یانەی مانچستەر یونایتد لە تۆڕی كۆمەڵایەتی ئینستاگرام
نوسیویەتی، شەوێكی مێژوویی بوو، كاتێك لە ناو خاكی خۆمان و بە ئامادەبوونی
هاندەرانی خۆمان یاری دەكەین، بە ئاسانی دەتوانین بەرگری لە رەنگ و بوونی خۆمان
بكەین و خۆمان بسەلمێنین.
جێگەی باسە ئەم هایتریكەی شەوی رابردووی رۆناڵدۆ دەیەم هایتریكە كە ئەو
یاریزانە لە مێژووی هەڵبژاردەكەی تۆماری بكات.
رەنج رەسول