شارپرێس:
وەزارەتی نەوتی عێراق ڕایگەیاند،بەهۆی سەرماوسۆڵەوە بەشە نەوتی زیادە بەسەر هاوڵاتیانی پارێزگاکانی بەغدا و کەرکوک و نەینەوا دابەشدەكرێت.
حسێن تاڵب، بەڕێوەبەری گشتیی بەرهەمە نەوتییەکان لە وەزارەتی نەوتی عێراق بە ئاژانسی فەرمی عێراقی ڕاگەیاند، لە ڕۆژی شەممەی داهاتووەوە دەستدەکرێت بە دابەشکردنی بڕێکی زیادەی نەوت لە پارێزگاکانی بەغدا و کەرکوک و نەینەوا و لەو سێ پارێزگایە هەر ماڵێک 50 لیتر نەوتی سپیی دیکەی پێدەدرێت.
لەبارەی هۆكاری دابەشكردنی ئەو نەوتەزیادەوە وتی: ئەم کارە له وهڵامی داواكاری هاوڵاتیان و كهمكردنهوهی سهختی ئهو شهپۆله سهرمایهی ڕووی لهناوچهكانیان كردووه.
ئاماژەی بەوەشكردووە، ئێستا بهشی سێیهمی نهوتی سپی دابهشدهكهن و داواش له هاوڵاتیان دهكات، كه له ڕێگهی گۆڕهپانهكانی تایبهت به نهوت و غازی پارێزگاكانهوه بهشه نهوتهكهیان وهربگرن.
دابەشکردنى نەوتی زیادە لە عێراق لەکاتێکدایە هێشتا لە ٧٥%ی دانیشتوانى هەرێمى کوردستان لەم وەزری زستان و سەرمایەدا نەوتی سپیان وەرنەگرتووە.
بەر لە هاتنى وەرزی زستان کەمال ئەتروشی وەزیری سامانە سروشتیەکان رایگەیاند، نەوت بەسەر تەواوی دانیشتوانى هەرێمى کوردستان دابەش دەکەن و خۆی راستەوخۆ سەرپەرشتى ئەو پرۆسەیە دەکات، بەڵام تا ئەم ساتە تەنیا لە ٢٥%ی دانیشتوانى هەرێمى کوردستان نەوتیان وەرگرتووە.
س.س