شارپرێس:

بەڕێوەبەرایەتى كه‌شناسی هەرێم  سه‌باره‌ت به‌ كه‌شوهه‌وای ئه‌مڕۆ هه‌ینی ڕایگه‌یاند: ئاسمان بە شێوەیەکى گشتى ساماڵ دەبێت لەگەڵ بوونی تۆز و خۆڵێکی سووک بەتایبەتی لە ناوچەکانی باشووری هەرێم و هەندێ کاتیش ئەگەری بەهێزبوونی کاریگەرییەکەی هەیە.

ئاماژەى بەوە کردوە، خێرایی با له‌نێوان له‌سه‌رخۆ و مامناوه‌ند ده‌بێت و ئاراسته‌كه‌شی به‌ره‌و خۆرهه‌ڵات ده‌بێت، هه‌روه‌ها مه‌ودای بینینیش له‌نێوان 9-7 كم ده‌بێت، پله‌كانی گه‌رما هاوشێوه‌ی ڕۆژی پێشوو واته‌ دوێنێ پێنجشه‌م ده‌بێت.

سه‌باره‌ت به‌ كه‌شوهه‌وای سبه‌ی شه‌ممەش، كه‌شناسی ڕایگه‌یاند: ئاسمان ساماڵ دەبێت لەگەڵ بوونی تۆز وخۆڵێکی سووک بەتایبەتی لە ناوچەکانی باشووری هەرێم .

هه‌روه‌ها ڕایگه‌یاند: پله‌كانی گه‌رما 1 تا 2 پله‌ به‌ به‌راورد له‌گه‌ڵ ڕۆژی پێشوو به‌رزتر ده‌بێته‌وه‌، خێرایی با له‌نێوان له‌سه‌رخۆ و مامناوه‌ند ده‌بێت و ئاراسته‌كه‌شی به‌ره‌و خۆرهه‌ڵات و باكوری خۆرهه‌ڵات ده‌بێت، مه‌ودای بینینی سبه‌ی شه‌موو له‌نێوان 9-7 مه‌تر ده‌بێت.

كه‌شناسی بەرزترین پلەکانی گەرمای پێشبینیکراوی سبه‌ی شه‌ممەش  بەمجۆرەى خوارەوە دەبێت.
هەولێر: 42
سلێمانی: 43
دهۆک: 41
کەرکووك: 45
زاخۆ: 44
هەڵەبجە: 45
سۆران: 41
ڕاپەڕین: 42
گەرمیان: 47