شارپرێس
ڕوانگەی سوری بۆ مافەكانی مرۆڤ ڕایگەیاند، لە ئەنجامی هێرشەكانی توركیا بۆسەر چەند ناوچەیەكی ڕۆژئاوای كوردستان نۆ شەڕڤانی هەسەدە و شەش سەربازی سوپای سوریا گیانیان لەدەستداوە.
لە ڕاگەیەندراوێكدا، ڕوانگەی سوری بۆ مافەكانی مرۆڤ بڵاویكردەوە، بەهۆی بۆردومانی تورکیا بۆ سەر چەند ناوچەیەکی رۆژئاوای کوردستان و باکووری سووریا نۆ شەڕڤانی هێزەکانی سووریای دیموکرات – هەسەدە و شەش سەربازی سوپای سووریا گیانیان لەدەستدا.
ڕوانگەی سوری بۆ مافەكانی مرۆڤ ئەوەشی خستووتەڕوو، بەهۆی بۆردومانەكانەوە 30 کەسی دیکە لە رۆژئاوای کوردستان بریندارن و برینی هەندێکیان سەختە.
شەوەی ڕابردوو، توركیا هێرشی ئامانی كردە سەر ڕۆژئاوای كوردستان و تەبێژی هێزەکانی سوریای دیموکرات- هەسەدە ڕایگەیاند، تورکیا بە ١٤ فڕۆکەی جەنگی هێرشەکانی ئەنجامداوە و زۆر ناوچەی مەدەنی کردوەتە ئامانج و بە هۆیانەوە زیانی گیانی و ماددی هەیە، هێرشە ئاسمانییەکان بە درێژایی ٦٥٠ کیلۆمەتر لە شەهبا و تەلڕەفعەتەوە بگرە تا کۆبانێ و دێرکی گرتووەتەوە.