شارپرێس
سەرۆك وەزیرانی عێراق لەسەر هێرشەكانی سەر هەرێمی كوردستان هاتەدەنگ و ڕایگەیاند،هەموو هێرشێك بۆسەر خاكی عێراق لە هەرلایەكەوە بێت ڕەتدەكەینەوە و دەڵێت: هیرشەكان بە ڕەزامەندی حكومەتی عێراق نەبووە.
محەمەد شیاع سودانی، سەرۆك وەزیرانی عێراق لە میانی كۆبونەوەی لەگەڵ سەرۆكی هەرێمی كوردستان وتی: هەموو هێرشێك بۆسەر خاكی عێراق لە هەرلایەكەوە بێت ڕەتدەكەینەوە و جەختدەكاتەوە، هیرشەكان بە ڕەزامەندی حكومەتی عێراق نەبووە.
سودانی وتیشی: لە دوو ڕۆژی داهاتوودا كۆبونەوەمان دەبێت بۆ دووبارە نەبوونەوەی هێرشەكان، هەوەرها ڕێوشوێن بۆ دووبارەنەبونەوەی هێرشەكان دەگرینە بەر و لەو كۆبونەوەیەدا بڕارەمان لەبارەی پێشێلكردنی سەروەری عێراقەوە دەبێت.
وتەكانی سودانی لەكاتێكدایە لە 28ی ئەیلولەوە تائێستا، ئێران سێ جار بنكە و بارەگاكانی حزبەكانی ڕۆژهەڵاتی لەناو خاكی هەرێمی كوردستان كردە ئامانج و بەوهۆیەوە زیاتر لە 20 كەس گیانیان لەدەستداوە.
س.س