لەمێژووی سێ سەدەی ڕابردووی ولایەتە یەكگرتووەكانی ئەمریكادا ، هیچ سەرۆكێكی ئەمریكی نەبووە جەنگێكی تایبەت بەخۆی نەبێت . لە كەلتوری سیاسی كۆشكی سپیدا چۆنیەتی هەڵگیرسان و ئیدارەدان و بردنەوەی جەنگەكان كەسایەتی و ئەدای سەرۆكی ئەمریكی دیاری دەكات .
سەرۆكەكانی پاش جەنگی جیهانی دووەم بەنمونە وەربگرین :
ترومان ١٩٤٥ -١٩٥٣ جەنگی كۆریا
ئێزینهاوەر ١٩٥٣ - ١٩٦١ جەنگی سوێس ، جەنگی دژ بە كوبا
جۆن كینێدی ١٩٦١ - ١٩٦٣ جەنگی نەبوو!! كوشتنەكەی نهێنیەكی بێ جەنگی یە
جونسۆن ١٩٦٣-١٩٦٩ قۆناغی دووەم جەنگی ڤێتنام
نیكسۆن ١٩٦٩ - ١٩٧٤ جەنگی نێوان عەرەب و ئیسرائیل، كورد -عێراق
جیراڵد فۆرد ١٩٧٤ - ١٩٧٧ جەنگەكانی ئەمریكای لاتین ، نیكاراگوا
كارتەر ١٩٧٧ - ١٩٨١ شۆرشی ئێران ، جەنگی عێراق - ئێران
ڕیگان ١٩٨١ - ١٩٨٩ توندكردنەوەی جەنگی ئەستێران سۆڤیەت - ئەمریكا
بوشی باوك ١٩٨٩-١٩٩٣ جەنگی عێراق - كوەیت
كلنتۆن ١٩٩٣ - ٢٠٠١ جەنگی یوگوسلافیا
بوشی كوڕ ٢٠٠١ - ٢٠٠٩ جەنگی عێراق و ئەفغانستان
ئۆباما ٢٠٠٩ - ٢٠١٧ جەنگی بەهاری عەرەبی - داعش
ترامپ ٢٠١٧ - ؟؟ هەتا ئێستا جەنگە تایبەت بەخۆكەی دیار نی یە
ترامپ لەسەرەتای دەست بەكاربوونیەوە لەبەردەم هەڵبژاردنی سێ جەنگدابوو . جەنگی سوریا ، جەنگی كۆریای باكوور ، جەنگی ئێران .
هەردوو جەنگی سوریا و كۆریا بەپێ ی ڕێكەوتن و پێكهاتنەكانی لەگەڵ لایەنەكانی جەنگی سوریا و ڕاستەخۆ لەگەڵ سەرۆكی كۆریادا ، ترامپ لەهەڵبژاردنی سوریا و كۆریادا هیچیانی دەست نیشان نەكرد .
ئاماژەكانی توندكردنەوەی فشارەكانی بۆ سەر ئێران ، پێدەچێت ترامپ جەنگەكەی خۆی بە جەنگی ئێران دەست نیشان بكات . ئەم سەرۆكە سەرمایەدارەی ئێستای ئەمریكا ، تەنیا دوو ساڵی لەبەردەمدا ماوە بۆ هەڵبژاردنی جەنگە تایبەتەكەی خۆی وەك عورفی سەرۆكایەتی ئەمریكا . كە هەندێ جار بەهۆی جەنگەكانەوە ، لە هەڵبژاردنی ئاییندەدا هاوڵاتیانی ئەمریكی ، سەرۆك بۆ جاری دووەم هەڵدەبژێرنەوە ، بۆ ئەوەی جەنگەكەی تەواو بكات .
ترامپ هەڵبژاردنێكی قورسی كردووە . ماوەیەكی كورتیشی بۆ جەنگ لەبەردەمدا ماوە . بەڵام لەئەگەری ڕوودانی جەنگێكی ئەمریكی - ئێرانیدا ، پێناچێت بەشەش ساڵی سەرۆك كۆتایی بێت . بەڵكە دەبێتە سەخترین و هەڵەترین جەنگ لەناو جەنگەكانی هەموو سەرۆكەكانی ئەمریكادا.
هونەر تۆفیق
ئەم وتارە دەربڕی بۆچونی نووسەر خۆیەتی