بەپێی زۆر سەرچاوەی باوەڕپێکراو، هەڵبژاردنەکەی عێراق و باشووری کوردستان کە لە ١٢ی مایسی ئەوساڵ ئەنجامدرا ، رێژەی بەشداری دەنگدەران بە تێکڕایی ١٩،٦ ٪ نەک ٤٤٪ کە بەفەرمی راگەینراوە، تەنانەت لەهەندێ شوێن گەیشتۆتە ٥٪ بەشداربوو، ئەوەی مەبەستمە لەو هەڵبژاردنە دیار دەبێ کە ٨٠٪ خەڵک رەفزی ئەو دەسەڵاتە گەندڵەی کردۆتەوە، ئەگەر حکومەتێک گرنگی بەرای خەڵک بدایە، دەبوایە ئەو هەڵبژاردنە رەت بکاتەوە لەبەر ئەوەی ریژەی یاسایی بەدەست نەهێناوە کە دەبێ لەسەروی ٣٠٪ تا ٣٥٪ بێ و لەروی شەعبیشەوە ئەو رێژە زۆرەی(٨٠٪) بەشدارنەبووە، خۆی لەخۆیدا هەڵوێستی میللەت نیشاندەدا، لەگەڵ ئەو حاڵەشدا، رکابەری و ململانێ لەنێو هێزەکانی بەشدار بوو سێبەری ئەمریکا و ئیران حسابی بۆهیچیان نەکرد.
ئەو ئاکامەی هەڵبژاردن، هەر ناڕەزایەتی و هاتنەسەرشەقامی لێ چاوەڕوان دەکرا بەتایبەت قەیرانەکان گەیشتینە بن بەست و ئەو عەقلییەتییە سیاسییەی کە لەدەسەڵاتدایە لەتوانایدا نییە چارەسەر بدۆزێتەوە ، بەڵام دیارە هێزە سیاسییە براوەکانی عێراقی کوردستانی ، گرنگی بەرای میللەت نادەن و هەر ئاگایان لەوەرگرتنی پۆست و ئیمتیازاتەکانە، ئەوەبوو وەک ماوتسیتۆنگی چینی دەڵێ ( لە پڕوشکەیەک ئاگرێکی گەورە دەکەوێتەوە)، لە بەسرا چەخماخەی راپەڕینەکەی لێداو لەماوەی یەک دوو رۆژ هەموو شارەکانی خواروی عێراق و فوراتی ئەوسەتی عیراقی گرتەوە، ئیستا هەڕەشە لەبەغداو شارەکانی دیکەی عارەبنشینی دیکەش دەکات، ئەوەی لەو راپەڕین بەدیار دە کەوێ :
_ ئەو راپەڕینە خۆڕسکە و بێ سەرکردەیەو بێ بەرنامەی سیاسییە ، تەنیا لە موعاناتی "زولمە بەعەدالەت دابەشکراوەکە" هاتونەتە سەر جادە وەک خۆپیشاندەران دەلێن ،و لەئاکامی رەوشی ژیان خراپی خەڵکە کە تاسەر ئیسقان چووەو چیتر تەحەمولی گەندەڵی دزی وساختەکاریو چەواشەکاری ناکرێ و نە ئیران نەسعودیاونە ئەمریکای لەپشتە، زۆربەی ناوی هەڵگرتووە ،" دووەم شۆڕشی بیست وشۆڕشی نوێ وشۆڕشی بیست یەک و ......" .
_ ئەو ناڕەزایەتییە دژی دەسەڵاتی گەندەڵ و دزی بەغدا وئیران وئەمریکا و خودی هێزە شیعەکانیشە، کە بەناو داکۆکیکەرن لەمەزلمویەتی خەڵکی شیعەو ئیستا خودی ئەو مەزلومانەی شیعە"بە درۆزن و دزیان دەناسن" و پێیان دەڵێن ئێوە گورگن لەکەوڵی مەڕ خۆتان نیشان دەدەن .
_ دەسەڵاتی عێراقی و ئێران دەستیان تێک ئاڵاوە!!؟ و مەرجەعی شیعەش "سیستانی "تا ئیستا هەموو لایەک رازی دەکا، یاخۆد دارەکە لەناوەندی دەگرێ کە بێزاری خەڵکی ناڕازی لێ پەیدا بووە لەو هەڵویستە.
_ هەندێک هێزی عێراقی دژایەتی خۆیان بۆ خۆنیشاندەران دەربڕیوەو چەکیان لەدژ بەکار هینان وەک عەسائیب و هەندیک لەدەعوە و نجبا‌و و هەندێکیش دەیانەوێ سواری شەپۆلی ناڕەزاتیەکە ببن و بیکەنە کارتی فشار لەسەر نەیارەکانیان .
گرنگ ئەوەیە، خەڵکی عیراق لەسەر مافێ خۆی بە ئاگایەو بەڵام هەمان زولم و هۆکاری سەرهەڵدان لەباشووری کوردستان هەیە، لەلایەک خۆ ئامادەنەکردن و بێ موبالەتی لەلایەن خەڵك ولەلای دی گوێ نەدانی حکومەتی هەرێمی کوردستان بە وەزعەکە، دیارە و،پێویستە حکومەت خۆی بۆ هەندێ چاکسازی ئامادە بکاو خەڵکیش کەلک لەو شەپۆلە ناڕەزایتیە عێراقییە وەرگرن و فشار بخەنە سەر دەسەڵاتی گەندەڵکاری کوردستان، ناڕەزاتییەکانی عێراق کەگەیشتە بەغداو موسڵ و کەرکوک پڕوشکی ئاگر دەپەڕتەوە کوردستانیش.
ئەم وتارە دەربڕی بۆچونی نووسەر خۆیەتی