گەلی عێراق ڕژێمی ئیمپڕیالیزم و هاوكارانی تاقیكردەوە و ڕە تیكردەوە و شۆڕشی بە ر پاكرد لە دژی . هەروەها حوكمی نەتەوە
پەرستانی عەرەب و كوردیشی تاقیكردەوە لە ٤٠ ساڵ حكومڕانی بە عسی سەدامی وكەسانی وەك عبدالسلام عارف لە بە غدا و پارتی و یەكێتیش لەم ( ٢٧ ) ساڵە ی هەرێمدا . لە سایەی حوكمی ئەم نە تەوە ییانەدا عێراق كەوتە گێژاوی دیكتاتۆریەت و جەنگ و خوێنڕشتن و كاولكاری و ئەنفال و كیمیا باران .. هتد . ئەمە وێڕای گەندەڵكاری بێسنوور .
هەرێمیش لە سایەی حوكمی نەتەوەیی كوردا – پارتی و یەكێتی – بوو بە گۆڕەپانی شەڕی برا كوژی ، دو ئیدارەیی ، لووشدانی دەیەها ملیار دولار ، قۆرخكردنی دەسەڵات ، بڕینی مووچە لە كارمەندان ، تەزویر كاری هە ڵبژاردن ، هێشتنەوەی میلیشیای حیزبی تا ئەم چركەیەش لە باتی سوپای نیزامی .. هتد .
چەپەكانیش نە گەیشتنە سەركورسی تا تاقیبكرێنەوە ، بەڵكو پوكانەوە بە هۆی هەڵەكانیانەوە .
ڕژێمی ئیسلامی سیاسیش ، كە لەم ١٥ ساڵەی پاش ڕووخانی سەدامدا حوكمیا نگرتەدەست ، بە هەمان شێوە كەوتنە كێبركێی لە گەندەڵكاری و زیاتر لە هەموانیان لووشدا . هەروەها ژمارەیەكی زۆر لە میلیشیای نایاسایی شیعەو سوونە دروستكران دژ بە یەكتر . شەڕی تایەفی شیعە و سوونە مزگەوت و حەسەینیە و جادە و چێشتخانە یان كردە جێگەی تەقینەوەو خوێنڕشتن و هەزاران لە مناڵ و ژن و پیاو ی بێگوناه بوون بە قوربانی ئەم ململانێیە . لەمەش زێتر ، كارو كرداری نوری مالكی ناكۆكیەكانی لە نیوان پێكهاتەكانی عێراقدا ( شیعە و سونە و كورد ) توند تر كرد . ئەمەش بو بە هۆكار بۆ ئەوەی داعش بە ئاسانی موسڵ و تكریت و فلوجە و زۆر لە شارە سوننە نشینەكانی عەرەب بگرێ و هەزاران هاوولاتی بێگوناه بكوژێ . بێتوانایی پێشمەرگەكانی پارتی بوو بە هۆی ئەو كارەساتە گەورە یەش كە بە سەر خوشك و برا یەزیدیەكاندا هات .
سەبارەت بە هەرێم
هاوڵاتیان هەموو ئەم ڕوو دا وانە دەزانن . دەبێ هە موو مان ئەوەش بزانین كە پارتی و یەكیتی لەم ٢٧ ساڵەدا شتێكیان نەكرد كە ئاماژە بكات بە پەشیمانی لەو هەموو هەڵەو خراپە كاریە . واتە چاوەڕێی هیچ گۆڕانكاری و جاكسازیەكیان لینا كرێ . دەیانەوێ حوكمڕان بن هەتا هەتایە بۆ پاراستنی بەرژەوەندی خۆیان و بەس . هیچ دەرچەیەك لەم نەهامەتی و قەیرانە گشتگیریە نیە جگە لە لابردنی ئەم جووتە موتەكەیە و دامەزراندنی ڕژێمێكی نوێ لە چە شنی ڕژێمی سەنگا فورە . ئەمەش دەبێ لە ڕێگەی خەباتی جەماوەری ئاشتیانەوە بێ ، لە ڕێگەی پەرلە ما نەوە ، ئەمەش كارێكی ئاسان نیە ، بەڵام بزوتنەوە یەكی میللی بە هێز دەتوانێ ڕایانماڵێ و گۆڕانكاری خوازراو جێبە جێبكات .
بۆ ئەم ئامانجە ستراتیجیە پیرۆزەی قۆناخی ئەمڕۆ پێویستە ڕێخراوێكی تازە ، سیاسی جەماوەری ، جیاواز لەوانەی پێشوو ، ڕێخراوێكی مەدەنی دیموكراتی ، دامەزرێنرێ .... ڕێخراوێكی نیمچە بەرەیی كە ئەندامان و لایەنگرانی لە هێندێ شتدا ڕاو بۆ چوونی جیاواز یان هەبێ بەڵام لە پرسی سترا تیجیدا یەكبن .
با ئیستە ناوی بنێین ( بزافی چاكسازی دیموكراتی - ب چ د ) ، دواتر كۆنگرەی دامەزراندن بڕیار بەدەست دەبێ .
بەهادین نوری
ئەم وتارە دەربڕی بۆچونی نووسەر خۆیەتی