شای مەغریب لەلیدوانیكی دا وتی قورئان لەهەندی شوین باسی ئیرهاب دەكات بۆیە پیویستە ئەو ئایەتانە بگۆرین (ملك المغرب یقول : القرأ‌ن یدعو للعنف والإرهاب وعلینا إستبداله بكتاب ا‌خر).
شای مەغریب لەوە بەهەلە داچوە وادەزانی ئیرهاب بەمانای تیرۆرە .. ,10 سال لەوەو پیش ئەو جیاوازیە لە مەوسوعەی جودی كراوە (ئەو كاتی لەكوردستانیش گەرمەی دژە ئیرهاب بوو)ئەوە دەقەكەیەتی :
سودەكانی ئیرهاب
ئیرهاب هەیە بەخراپی بەكاردیت لەسەروو باسمان كرد، ئەو(ارهاب)ەی لەقورئان هاتوە ماناو مەبەستی تیرۆر- بە مانای ڕەشەكوژی- نادا، ئیرهاب بە تۆقاندن و زەندەق بردن دێت، زیاتر لە (Totalitarzm) نزیك ترە، واتە مەرج نیە ئەنجامی كردەوەكەی دابیت، لە كاتێكدا تیرۆر- لە مانای ئێستادا- بە كوشتن و ئەنجامدانی كردەوەكەی دێت ، بۆیە جاروایە ئیرهاب ئەو سودانەی هەیە، زۆر بە كورتی شتێكی لێ باس دەكەین :
1. دەبێتە هۆی پابەندبوونی سەرپێچی كەران بە یاسا، واتە یاسا خۆشی هەوێنی ئیرهابی لەگەڵەو پێویستە لە هەموو زەمان و زەمینێك، خۆ لە ناو جەرگەی ئەمەریكای سەرمەشقی شارستانی (بە حساب) لە كارەبا كوژانەوەكەی 1985ی كالیفۆڕنیا كە چاوی یاسا كەمێك بزربوو زیاتر لە 700 تاوانی لێكرا، واتە ترس و تۆقاندن بۆ ئەو جۆرانە هەردەم پێویستە جگە لەو میللەتەی كە بەتێكڕای دەگەنە پلەیەكی مەدەنی بالا لەچەمكی ئوممەت.
2. دەبێتە هۆی هەڵوەستەكردنی تاوان باران لە تاوان پێش ئەوەی ئەنجامی بدەن.
3. بەشێكە لە مافی مرۆڤ، چونكە ئەو ترسە(ئیرهابە) وای لێ دەكات هەم گیانی (قوربانیەكە) هەم گیانی (تاوانبارەكەش) ڕزگار بكاو نەوێرێ بیكا ...وەك لە (مقاصد)ی ئایەتەكەش (واعدوا...ترهبون بە ....)....ناڵێ بیان كوژن دەڵێ بیان ترسێنن با تاوانەكە نەكەن، ئەو ئایەتە لە چوارچێوەی قەڵاچۆی تاوان و وەزارەتی بەرگریە بۆیە دەبینین لە 30 ساڵی حوكمی خەلافەتی ڕاشیدین تەنیا دەستی چەند كەسێك بڕاوە كەچی ئێستا مانگانە لەم وڵاتە دەیان كەس گیانی لەدەست دەدات بە قوربانی و تاوانبارەكەش.
4. دەبێتە هۆی ئاسایش و ئارامی وڵات و جیهان، سەرنج بدە ئەو وەڵامەی وەزیری بەرگری یابان سەبارەت بەو پرسیارەی كە ڕۆژنامەنوسێك لێی پرسیبوو ئاخۆ یابان هەیبوایە بۆمبی ناوەكی بەكاردەهێنا لە تۆڵەی هیرۆشیما و ناگازاكی لە دژی ئەمەریكا..لەوەڵاما وتی ئەگەر یابان چەكی ئەتۆمی هەبوایە ئەمەریكا هەر نەیدەوێرا لە هیرۆشیما و ناگازاكی بدا تا بیر لە تۆڵە سەندنەوەكە بكەینەوە، ئەو نائارامیەی ئێستای جیهانیش لەوەیە كە لایەك پڕ چەكەو تۆقێنەر(مرهب)ە و لایەكیش دەست بەتاڵ، ترسی پێشەكیە كە ڕێگر دەبێ لە تاوان.
5. دەبێتە هۆی بوون و پارێزگاری لە سیستەم و (تشكلیە) كۆمەڵایەتی و سەربازی و هەتا یەكەی خێزانیش.
6. دەبێتە هۆی ترساندن و تۆقاندنی داگیركەر و دەست درێژكەر و ئیمپیریالیزم و مشەخۆران تا سل بكەنەوە لە پرۆسەی داگیركاری و ستەم، هەروەك (فرانتز ڤانون) دەڵێ: ڕزگاری- نیشتمانی- یان ڕاپەڕینی نەتەوەیی یان هەر جۆرە ڕزگاریەكی میللەتان لە كۆتاییدا فەوتانی ئیمپیریالیزمی و داگیركەرە هەر دەبێ بە شێوازی توند و تیژ كۆتایی بێت ، بەهەمان شێوە بۆ ستەمكار و دیكتاتۆران چ بە تاك چ بە كۆو. ئەو ئیرهابە پێچەوانەیە نەبێت ئەوا ئیرهابی ستەمكاران بە هیچ ئامرازێك لە هیچ سنورێك ناوەستێ.
مەسعود عەبدولخالق
ئەم وتارە دەربڕی بۆچونی نووسەر خۆیەتی