رەنگە ئەم هەرێمی خڕی مڕییە تەنیا و تەنیا لەناو پێنج ملیۆن بەشەردا یەك مرۆڤی تیا هەڵكەوتبێت كە خوێنی سەرۆك وەزیران لە دەمارەكانی جەستەیدا بێو بچێت ، لەم هەرێمەدا ئەوە چارەكە سەدەیەكە تەنیا یەك مرۆڤی سیاسی مافی ئەوەی پێبڕاوە كە ببێتە سەرۆك وەزیرانی حكومەت و پیاوی یەكەمی بڕیاردان ، تەنانەت دەگێڕنەوە كە دووساڵ بە رێككەوت سەرۆك وەزیرانی ماوە درێژ سەرۆك وەزیرانی حكومەتەكەی لەمەڕ خۆمان نەبووە.
كەچی ژوورو ستافی نوسینگەكەی لە جێگەی خۆی ماونەتەوە و كاروباری حكومەتیان لەناو حكومەت بەڕێكردووە ، تەنانەت ووڵاتانیش هەرچاوەڕێی ئەویان كردووە تا تەشریف بێنێ و ئیمزای گرێبەستی پەنجا ساڵەی نیقمەتی نەوت بكات ، رەنگە ئەو وەها خولقابێ كە تا سەری سپی و دەستی بەگۆپاڵ و تا سەر عەرەبانە و خەیبووبەی قوڵ ، پەیمانی بەستبێت كە هەر لەگەڵمان بێ و ئیدارەی ئەم ووڵاتەمان بۆ بكات كە تا ئەم دەمە لە ناو پێنج ملیۆن مرۆڤ كەسێكی تریی هاوشێوەی ئەویان تیا هەڵنەكەوتبێ .
ئیتر هەر ئەو سەرۆك وەزیرانە و هەرخۆشی سەرۆكی ئەم هەرێمەی لەمەڕخۆمانە و دەسەڵاتەكانی مامیشی دوای تەواو بوونی دەوامی رەسمی لەسەری رەشەوە بەڕێوەدەبات ، بێ گلەی دانیشن هەر نێچیرەڤان بارزانی سەرۆك وەزیرانی درێژمەودایە .
رێبین عومەر
ئەم وتارە دەربڕی بۆچونی نووسەر خۆیەتی