ئەم كەشتییە كاپتنی نییە

ئەم كەشتییە كاپتنی نییە

رێبین عومەر


527 جار خوێندراوه‌ته‌وه

ساڵ لە بەختی كورد و بەختی ئێمە هەر دەڕوات ، چەرخ سوڕئەدا و دەگۆڕێ سەدە پاڵ بەسەدەوە دەنێ ، بەڵام لەبەختی ئێمە هیچ شتێك جگە لە فرۆشتن و سەوداكردن بە میللەتەكەمان گۆڕانكاری بەسەردانەهات . 

لەپێشدا  كەمێك دڵ خۆشبووین بەوەی كە چیتر هەر چیاكان دۆست نین ، بەڵكو لەچەرخی نوێدا دۆستمان بۆ دروست بووە ، دڵمان بە دەنگی تانك و فڕۆكە و هاتنی رەوە كۆپتەرەكانی سەردەستەكان خۆش بوو ، هەردەمان وت : چیتر هەرچیا دۆست نین  ، فڵان وڵات و فیسار سیاسەتوان هاوڕێو دۆستن ئێستا  ، بەڵام ساڵ بوو بە 2019 سەد ساڵی سایكسپیكۆ تێپەڕی ، كەچی تازە بە تازە نەتەوەكەمان لەبەردەم فرۆشتنێكی تردایە تازە بەتازە سەردەستەكان و داگیركەرانی كورد چونەتەوە سەرەتای رێككەوتنی بەش بەشكردنی ووڵاتەكەمان. 

خۆشمان لەولاوە  لەبەر تێرنەبوونی بەرژەوەندی قووت ، لەبەر سكئاوسان لەبەر حەزی كورسی و پۆست لەبەر راخستنی فرشێكی تۆزاوی سور ، لەبەر نۆكەری و خوڵام و دەروێشی هێنانی تانك و تۆپ و تەیارەی دووژمن ، لەبەر دەستاودەستكردنی كوڕو ئامۆزای سیاسی لەبەر قافڵەی دورو درێژی بردنی نەوت و كانزا بەنرخەكانی نیشتمان ، لەبەر بڵند بوونی تاوەر و تاوونی بازرگانی ، لەبەر زۆرشت كە نیشتمانی نین  ، لەبەر دڵخوازی بۆ بێگانە ، لەبەر بەرژەوەندی كەسی . 

 هەرمەست و بێئاگای یەك بڕینەوەین هەرخەریكی یەك شكانین هەرخەریكی لەگۆڕنانی یەكین و بەمردنی یەك دڵخۆش دەبین ، هیچمان ئەوی تر پەسەند ناكەین هەر شەڕی یەكتر و یەكتر دەكەین ، رەنگە تاكەمیللەتی سەرئەم زەوییەبین كە بەیەكەوە هەڵناكەین و دوژمن وەك ئاب دەهێنینە سەریەك هەرلەبەر ئەوەش هەر تێناگەین كە كەشتییەكە بێكاپتنەو نازنین كە چۆن قەدەر بەكەناری ئارامی دەگەیەنێ .

رێبین عومەر



ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved