بۆچی ترامپ لەم جەژنەدا وا تورەیە

بۆچی ترامپ لەم جەژنەدا وا تورەیە

دانا ڕەشید


596 جار خوێندراوه‌ته‌وه

رەنگە ئەم سەردەمەی ئەمەریکا کە بە سەردەمی سەرۆکە شێتەکە ناو براوە ، بە سەیرترین قۆناغێ کۆشکی سپی تۆمار بکرێت لە مێژوی ئەمەریکادا ، چونکە کە دەڵێین ئەمەریکا تەنها دەوڵەتێكی زەبەلاح ناگرێتەوە بەڵکو هەموو وشەو دەربڕین و رستەو بۆچونێکی کۆشکی سپی راستەوخۆ کاریگەری ئەرێنی یا نەرێنی لەسەر کۆی گشتی سیاسەتی گۆی زەوی هەیە ، جیاوازی دۆناڵد ترامپ و سەرۆکەکانی پیش خۆی ئەوەیە کە ، بە گشتی هەموو ئەو سەرۆکانەی پیش ترامپ لە کۆشکی سپی بوون سیاسەتیان بە رێوە دەبرد ، بە واتایەکی تر بۆ ئەو چوارساڵە خۆیان و ستاڤەکەیان تەرخان دەکرد بۆ بەرێوە بردنی کۆشکی سپی واتە سیاسەتی ئەمەریکی چ ناوخۆ چ دەرەوە ، ئەمما ترامپ لە نێوان بزنس و کۆشکی سپی و هەموو ئەو خولیا شێتانەیەی کە هەیەتی و هەیبوە ، جۆرێك لە کارو کاردانەوەی سەیرو سەمەرەی لە کۆشکی سپی و سیاسەتی دەرەوە و ناوخۆی ئەمەریکا دروست کردوە تا لە هەندێ حاڵەتدا دەگاتە جۆرێك لە موهەریجی سیاسی ، 
بۆ نمونە 
مەسەلەی دروست کردنی دیوارەکەی نێوان مەکسیک و ئەمەریکا ، 
رێکەوتنی ژێر بە ژێری ترامپ و ئەردۆگان بۆ مەرامی پارەو بزنس لەسەر حسابی سیاسەتی ئەمەریکی 
هێنانە کایەی دۆخێکی پڕ مەترسیدار لە سوریا بە بریاری کشێ‌نەوەی هێزەکانی ئەمەریکا لە پای رێکەوتنی بزنسی نێوان خۆی و ئەردۆگان 
دروست کردنی گێژاوی سیاسی بە حسابی خۆی تا زەمانەتی خولێكی تری سەرۆکایەتی کۆشکی سپی بە دەست بهێنێتەوە 
هێشتنەوەی مەلەفی کۆریای باکورو بە جێ نەهێنانی بەڵێنەکانی و ورە وری سەرهەڵدانەوەی جارێکی تر جەنگی ساردی کۆریای باکور 
هەڵوەشاندنەوەی رێکەوتنی ئێران و ئەمەریکا لە سەر مەلەفی وزەی ئەتۆم و چەکی نەوەوی ئێرانی 
بە قوربانی کردنی کێشەی کورد چ لە رۆژئاوا چ لە باشوری کوردستان بۆ مەرامی بزنس و بە حساب پارە بۆ ئەمەریکا کۆدەکاتەوە 
فشار خستنە سەر دەوڵەتانی ئەوروپا وەک ئەندامی ( ناتۆ ) کە پارە بێنن بۆ بەرێوە چونی چەنگە ناوچەییەکان لێرەو لەوێ 
ئەمانەو چەدین شتی تر وای لێ کردوە کە لە لایەک ئەم وەک سەرۆک فشاری هەبێت لەسەر یارو نەیارانی بۆ خواست و مەرامەکانی خۆی و وە لە لایەکی تر نەیارو دەوڵەتانی ئەوروپا فشاریان هەبێ لەسەر دەوڵەتی ئەمەریکا بۆ پەک خستنی سیاسەتی بە بزنس کراوی پڕ سەرکێشی و جۆرێک لە شێتێتی دۆناڵد ترامپ ،
ترامپ لە بۆنەو مەراسیمی چ خۆشی چ ناخۆشی وەک کەسێكی ( رێز لێ نەگیراو و بوغزێنراو ) مامەڵەی لەگەڵ دەکرێت ، بۆ نمونە 
جۆن مەکین ،کەسایەتی دیاری گۆرەپانی سیاسەتی ئەمەریکی پیش مردنی وەسێتی کرد کە ترامپ بەشداری مەراسیمی بە خاک سپاردنی نەکات ، 
لە مەراسیمی بەخاک سپاردنی ( بۆش) ی باوک ، لە لایەن بنەماڵەی جۆرج بۆش ، وەک سەرۆک کۆماری ئەمەریکا رێزی لێ نەگیرا 
باراک ئۆباما ، یەکێك لە رێکخەرانی کەمپینی بەردەوامی پەک خستنی سیاسەتە چەوتەکانی ترامپە 
بێل کلنتۆن ، بە نارێك ترین و بێ مۆراڵ ترین سەرۆک هەژماری دەکات لە مێژوی ئەمەریکادا 
لە دەوڵەتانی ئەوروپا بە تایبەت فەرەنساو ئەڵمانیا وەک ئەمری واقع مامەڵەی لەگەڵ دەکەن بەو هیوایەی کە لە خولی داهاتو پەک بخرێ و بگۆڕدرێت 
لە سەر ئاستی کۆمەڵایەتیدا ،کەسێكی سەرسەری مەشرەبە ، لە قسەو لێدواندا بێ ئەدەبە ، لەگەڵ منداڵاندا قسەی نەشیاو دەکات بۆ نمونە ، بە منداڵێکی تەمەن ( ٧ حەوت ) ساڵان دەلێ ، تۆ بروات بە بابا نۆئێڵ هەیە ، کە ئەمە کفرە وا لە زاکیرەو عەقڵی منداڵ بکەی کە خۆشی و جەژن و دیاری لێ بشێوێنیت ، چونکە بە پێێ زانستی کۆمەڵناسی ئەمە بە نەخۆشی کۆمەڵایەتی دەژمێردرێت .
لەسەر ئاستی رۆژهەڵاتی ناوەراست ، لە سوریا گێژاوێکی جەنگی و سیاسی دروست کردوە ،جا داهاتو دەری دەخات چ مەرامێكی لە پشتەوەیە کە شرۆڤەکارانی سیاسی جیهان پێشبینی رودانی کارەساتی زۆر خراپ دەکەن لەوەی کە پشت کردنە رەقەمێكی گەورە لە شەر دژی داعش کە کورد و هێزەکانی رۆژئاوای کوردستانە و جێهێشتنی ساحەکە بۆ ئەردۆگان کە توشی جنونی عەزەمەتی دەوڵەتی عوسمانی بوە ، وای لە ئەروپا کردوە کە بە جدی دەبێ حەدو حدودێک بۆ سیاسەتەکانی ترامپ دابنرێت ، 
لە سەروبەندی هەموو ئەم گێژاو و نارۆشنی و تەمو مژە جەنگی و سیاسیەدا کە بە حساب لە روگادا وا دەردەکەوێ لە بەرژەوەندی تورکیاو ئەردۆگان شکاوەتەوە لە سوریا رەنگە (ئەردۆگان ) کە توشی جنونی عەزەمەتی عوسمانی بوە ، وەک پێێ وترا (پیاوە پچەکەکان خەونی گەورە دەبیننن ) کەراهیەتێكی وا بکات، ئەنجام هەم سەری خۆی بخوات هەم سەری سەرۆکی ئەمریکا دۆناڵد ترامپ .
دانا ڕەشید



ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved