دیسان بەردەكە بەر سەری كورد كەوت!

دیسان بەردەكە بەر سەری كورد كەوت!

شاناز ئیبراهیم ئەحمەد


1825 جار خوێندراوه‌ته‌وه

ماوەیەك لەمەوبەر ڕەخنەم گرت لە مەسەلەی كردنەوەی كونسوڵخانەی ئەمەریكا لەھەولێر كە بەگەورەترین كونسوڵخانەی جیھان ناوزەندكرا ، دواتر ووتارێكم لەژێر ناونیشانی ( لەقەیسەرەوە تا پۆتین ) نووسی ، ڕەنگە بڕوانەكەن چەند نامە و تەلەفۆنم بۆ ھات تاكو ئەو بابەتانە لابەرم ..!! 

كاتێكیش ھۆكارەكەیم پرسی ووتیان ( ئاخر ئەمەریكا و ڕوسیا دۆستی كوردن با عاجزیان نەكەین ) سەرەتا ووتم ئەوانە كەسیان دۆستی كوردنین و ھەرگیزیش نابنە دۆستی كورد ، شەرمە گاڵتە بەخۆمان بكەین ، دەفەرموو ئەوەش دۆستایەتی ..!!

زۆر سەیرە ئەگەر بەردێك لەئاسمان بكەوێتە خوارەوە بەرسەری كورد ئەكەوێ !! ئاخر بڵێ كاكە ترامپ لەم سەری ساڵەدا ئەو نەگبەتییە چی بوو تووشت كردین ؟! برام خۆ كریسمس جەژنی لێبووردەیی و بەخشندەیی و میھرەبانی و خۆشەویستیە ، ئەرێ پێمناڵێیت بۆ لەكریسمسدا كوردت وەك بەرخەكانی جەژنی قوربانی خۆمان كردە قوربانی ..؟!

بەڕاستی نازانم ساویلكەیی و نەزانی و خۆش باوەڕی خۆمانە كە ( بەبستێك ئاو دەكەوینە مەلەكردن ) یانیش بەدبەختی ھەر لەچارەمان نوسراوە و قەدەر و چارەنووسی ئێمە بەوجۆرەیە ؟!

كورد ئەڵێ ( ئەگەر جارێك فێڵت لێكردم خوا بتگرێ ، ئەگەر دووجار فێڵت لێكردم خوا خۆم بگرێ ) وابزانم ئەوەندەجار فێڵمان لێكراوە دەبێت بڵێین خوا ھەردوو لامان بگرێ ..!!

جا بۆ نەگبەتی سەرەڕای پلانگێڕی دژ بە كورد و ئەو ھەموو چرا سەوزەی لەلایەن زلھێز و مێشك بچووكەكانەوە بۆ سوڵتان ئەردۆغان ھەڵكراوە كێشەیەكی تریش بەرۆكی گرتووین ئەویش (حەشدە چەكدارەكەی بارزانییە) كە بێ چاوێنی بێت بەتەمان ببنە فریادڕەس ..!! ئاخر ڕۆڵە ئێوە ھێزە تایبەت و ئۆرجیناڵەكەتان بەرگەی پێنج دەقە شەڕی داعشی نەگرت لەشەنگال ئیتر چ باس لە ھێزی علوج ئەكەیت ؟! كورد ووتەنی ( كەچەڵ تیماركەر بوایە ، تیماری سەری خۆی ئەكرد ) ..!!

شاناز ئیبراھیم ئەحمەد



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved