ئێمە دژایەتی کورد ناکەین بەڵام!؟

ئێمە دژایەتی کورد ناکەین بەڵام!؟

 


1953 جار خوێندراوه‌ته‌وه

ئێمە دژایەتی کورد ناکاین بەڵام؟!؟!؟!
دەستەڵات و حکومەتە یەک لە دوای یەکەکانی ئەو وڵاتانەی  دەستیان بەسەر هەر چوار پارچەی کوردستاندا گرتووە بە بەردەوام نکوڵ لە بونی گەلێک دەکەن بەناوی کوردەوە ئەو وڵاتانە ئێستاش هەموو هەوڵێکی خویان دەدەن بۆ ئەوەی کورد نەبێتە خاونی کیانێکی سیاسی و و ناسنامە و مافێکی و کەسایەتیەکی سەربەخۆ  و ناوگەلێکی سەیر و سەمەرەیان لە کوردەکانیش ناوە   وەک (تورکە شاخاویەکان، نەوەی جنۆکە، ، خێڵەکی فارس) و زۆرناوی تری ڕەگەزپەرستانە کە سوکایەتی بە  گەلی کورد دەکات و لە ناسنامە و مرۆڤایەتی کەمدەکاتەوە و هیچ مەودایەکیشیان و بۆ ڕێز و هاوڕێیەتی نە هێشتووەتەوە ،  ئەوڵاتانەی هەر چوارپارچەی کوردستانیان لە نێوان خۆیاندا بەش کردووە ئێستاش دژایەتی هەر بزوتنەوە و ڕاپەڕین و داوایەکی دادپەروەرانەی کورد دەکەن ، بەچەند ناوێکی سەیر ناویان دەبەن وەک (ئاژاوەگێڕ ، تێکدەر ، کافر و بێدین، ڕاپەڕیوەکان، تیرۆرست، بەکرێگیراو، خائین،  پاشماوەی ئەرمەن، ئیسرائیلی دووەم، دواکەوتوو، شیوعیەکان، دوژمنانی خودا.....هتد) لەم ساڵانەی دواییدا بە هۆی پێشکەوتنە  مەزنەکان لە بواری تەکنەلوجیا و و پەوەندیەکان و ئاڵوگورکردنی زانیاری بوە هەلێک بو گەلی کورد تا بتوانێت لەو ڕێیانەوە بزانێت و بە هەر شێوەیەک بووە دەنگی خۆیان بە جیهان بگەیەنن  و ئەمەش بووە هۆی هاوسوزیەکی نێودەوڵەتی لە بەرامبەر شۆڕش و ڕاپەڕینە بەردەوامەکانیان دا دروست بێت، هەر ئەوەش بووە هۆی ئەوەی ئەو وڵاتانەی  چوار پارچەی کوردستانیان داگیر کردووە  کەمێک گۆڕانکاری  لە تارە فەرمیەکانیاندا  دروست بکەن، لە کاتێکدا وتاری نێوخۆ و مامەڵەکردنی لە گوڕەپانی سیاسی وڵاتەکەیاندا  بە هیچ شیێوەیەک هیچ گۆرانکاریەکی بەسەردا نەهاتووە ، بۆیە ئەم وڵاتانە  ناچاربون  لە وتارە فەرمیەکانیاندا  بانگەشەی ئەوە بکەن  گوایە ئەوان ئەوان دژایەتی گەلی کورد ناکەن  بەڵکو ئەوان دژایەتی تیرۆرست و جیاخواز  وتێکدەرەکان دەکەن و بەردەوام دەڵێن  (ئێمە هاوڵاتیەکانمان لە نەژادی کورد دەپارێزین) یان (ئێمە ڕۆشتین سەدان تیرۆرستی کوردمان کوشت و شێونەکانیانمان تێکدا) لەبەر ئەوەی ئێمە کوردمان خوشدەویێ و دەمانەوێت پارێزگاریان لێ بکەین.

ئەمە خەسڵەتێکە کە تەواوی سیستەمی داپڵۆسێنەر و دەستەلات و ئەو وڵاتانەی کە نیشتمانی گەلانی تریان داگیر کردووە تێیدا هاوبەشن.
(سەدام حسێن) زۆر شانازی بەو کوردە بەکرێ گیراوانەوە دەکرد کە دژی شۆڕشی کوردەکان خزمەتیان دەکرد و گەلی کوردیش ئەو بەکرێ گیراوانەی بە (جاش )بانگ دەکرد سەدامیش بەهەمان شێوە دەیوت ئێمە دژی گەلی کورد نین بەڵکو دژی (بەرزانی و تاڵەبانی) و تێکدەر و کوردە خاینەکانن، و بانگەشەی ئەوەی دەکرد کە  دەیەوێت  کورد لەو (خایین و تێکدەرانە) بپارێزێت، خوشەویستی ئەو بۆ کوردیش گەشتووە ئەو ڕادەی کە زیاد لە ٣٨٠ هەزار خەڵکی سیڤیلی کوردی  لە کارەساتی ئەنفالی ساڵی هەشتاکاندا کوشت، هەر لەخوشەویستیا بۆ کورد بۆمبارانی شاری هەڵەبجەی بە چەکی کیمیایی کرد و ئەوەشی لەبیر نەچوو کە گازە ژەهراویەکانی بە بۆنی سێو و  میوەنی تر بەسەریاندا بپژێنێت.
خومەینیش بەهەمان شێوە دژی کورد نەبوو، بەڵام لە کوردستاندا تەنها شەڕی دژی (کافر و دوژمنی خود) دا دەکرد،، و لەڕێی پاسەوانانی شوڕش(پاسدار)ەوە دەیان کوشت‌وبڕیان لە ڕۆژهەڵاتی کوردستاندا ئەنجامداوە و هەزاران کوردی لە سێدارە  دا کۆچبەری پێ کردن بۆ دور لە زێدی باوباپیرانیان.
هەروەها دەوڵەتی سوریاش لە دەستەڵاتە یەک لە دوای یەکەکانیان ئەویش بە هەمان شێوە  بانگەشەی ئەوەی دەکرد کە دژی کورد نین، بەڵکو دژی (جیاخواز و بەکرێگیراوی ئیمپریالیست و نەتەوەپەرستەکانی کوردن) و لە خوشەویستیا بو کورد دەیان منداڵی لە سینەمای (عامودا) دا سوتاند و زیاد لە چارەکە  ملیۆنێک هاوڵاتی کوردی ڕۆژئاوای لە (ناسنامە باری شارستانی ) بێبەشکرد و لە شەو و ڕۆژێکدا کردنی بە کەسانی بێگانە و بە شێوەیەکی فەرمی هیچ بونێکیان لە سەر خاکی سوریادا نیە  و دەیان کوردیان لە گوندەکاندا دەرکرد و عەرەبیان لە شوێنەکانیاندا نیشتەجێکردن، لە تاوی خوشەویستی ئەم دەوڵەتانە بۆ کورد  بووە هۆی زمان و موزیک و جلوبەرگ و ڕۆشنبیری و کەلتور  و ڕەنگ و ئاهەنگ و جەژن  و ناوە کوردیەکانیان لێ قەدەغە بکەن.
دەوڵەتی توکیا و دەستەڵاتە یەک لە دوا یەکەکانیان  کە لە پێشتردا باسکراوە کە چەندە میلەتی کوردی خۆش ویستووە و ئەم خوشەویستیەیان
گەشتە ڕادەیەک کە قەلاچویان پێبکات و تورکبونیان بەسەردا بسەپێنێ و نکوڵی لە بونایەتیان وەک گەل و ناسنامە نەتەوەییان بکاتو زمان و ناوەکانیان  لێ قەدەغە بکات و ڕێیان لێ بگرێت ناوی کوردی لەمداڵەکانیان بنرێت، هەروەها جەژن و ئاهەنگە کوردیەکانیان لێ قەدەغە بکات و ناوی شار و گوند و شاخ و دەشتەکانیان   کوردیەکانیان بگۆڕێت و ڕێیان لێ بگرێت ناوی کوردی لە مداڵەکانیان بنرێت ،  هەروەها ئاهەنگ و جەژن و موزیک و گۆرانی کوردی و نوسین و بگرە پێتە کوردیەکانیشیان لێ قەدەغە کردن،  بۆیە تورکیا دژی کورد نیە بەڵکو تەنها دژی (جیاخواز و تیرورستەکانە) و هەر لەبەر ئەوەش زانایەکی ئاینی جیهانی وەک (شێخ سەعیدی پیران) لە سێدارە دەدات و تا ئێستاش ماوەی سەدەیەکە گۆڕی ونە و کەس نازانێ لە کوێ نێژراوە ، هەروەها پیاوێکی ئاینی عەلەویەکان (سەید ڕەزا) لەگەڵ کوڕ و هاوڕێکانیدا لە سێدارە دەدات و پارێزگای دەرسیم وێران دەکات و  کوشت‌وکوشتار لە دۆڵی (زیلان و جزرە و شڕناخ و نسەیبین و ئامەد و هەکاری ) ئەنجام دەدات و هەموو ئەو کارانەش لە خۆشەویستی کورد دا  دەکات.
ئێستاش با بێنەوەی بو کوردەکانی سوریا و  ئەم عشقە کتوپڕەی تورکیا بۆ بۆ کورد، وەک ئەوەی عشق و خوشەویستی  ڕژمی بەعسی سوریا و بەرەی نوسرە و و داعش و گروپە ئیسلامیە توندڕەوەکانی تر بەشمان نەکات، بەڕاستی تورکەکان بە داهێنانە خوشەویستیە تازەکانیان ئێمەیان حەپەساو کردووە ، تورکەکان کوردانی سوریایان خۆش دەوێت و دەیانەوێت کوردەکانی سوریا بپارێزن لە ژێر دەستی  (یە پە گە) یەکینەکانی پاراستنی گەل و (هەسەدم هزەکانی سوریای دیموکرات)   ڕزگاریان بکەن  تورکیایەک کە گەلی کوردی باکوری نوقمی خوشەویستی خۆی کردووە و هیچی بۆ نەماوەتەوە بێجگە لەوەی کە ئەم خۆشەویستیەشی  لە ڕێی سنورەکانەوە هەناردەی کوردەکانی سویاش (ڕۆژئاوا)بکات، .
لە کاتێکدا کوردی سوریا وەک تەواوی پێهاتەکانی تر ی سوریا بە درێژایی ٥٠٠ ساڵی ڕابردوولە ڕێی داگیرکاری عوسمانیەکانەوە زۆر بە باشی ئاشنا (خۆشەویستی تورکەکان) بون،  هەر لەڕێی (سەفەر بەلەک و  ئەلخازوق و  و قشلە و قەرەقوش و لە سێدارەدانەکانی گوڕەپانی (مرجە) لە دیمەشق کوشتنی ملیون و نیوێک ئەرمەنی بەسوتان و شمشێڕ و برسیردن  هەر لە ئەستەمبوڵەوە تا دەگاتە (دێرلزور)  هەروەها کوشتوکوشتاری (سێفۆ) دژی مەسیحیەکان و (٧٣) فەرمانی کوشت و کوشتار دژی یەزیدیەکان  و داگیردن و بەستنی  (لیوای ئەسکەندەرۆنە) بە دەوڵەتی تورکیاوە و و و ...
تورکیا مەزنترین داکوکی کاری ڕژێمی سوریا بووە دوای ڕێکەوتنی شومی  (ئەدەنە) لە ساڵی ١٩٩٨ لە دژی گەلی کوردی سوریا و لەو کاتەوە تورکیا گۆڕا بە هێزێکی داپڵۆسێنەر بۆ وێرانکردنی سوریا و شورشە سوریەکان و دەرگای بۆ
هەموو جیهادی و توندڕەوێک کردەوێکی جیهان کردەوە  بۆ ئەوە بپەڕنەوە بۆ سوریا  تا بیگۆڕن بۆ (تۆرابۆرای شام) وپاڵی نا بە هەموو جیهادی و توندڕەوەکان تا پەلاماری کوردەکان بدەن.
  بۆئەوەی کوشت‌وکوشتار و کۆچبەریان بکەن و ناسنامەیان لەو ناوچەیەدا و دەستکەوتەکانی ئەو ناوچەیەیان بسڕنەوە.
 دوای ئەوەش ڕاستەوخۆ دەوڵەتی تورک بەهێزی سەربازی خوی و هاوکات لەگەڵ گروپە تیرۆرستیەکان هەڵمەتی (درعی فورات و چڵە زەیتون)یان دەست پێ کرد هێڵی سنوری هەر لە (جەرابلوس)ەوە تا (ئەدلب)یان داگیرکرد و ئێستاش هەموو هەوڵێکی خوی دەخاتە گەر بۆ ئەوەی (منبج) و تەواوی ناوچە کوردیەکانی ڕۆژهەڵاتی فورات  داگیر بکات.
 تورکیا  ئەم کارە دەکات و بێشەرمانە ئەوە دوبارە دەکاتەوە کە (ئێمە هاوڕێی کوردین و خۆشمان دەوێن) ئەی خوایە هەر بەوەشەوە ناوەستێت و دەڵێت (ئێمە تاکە هاوڕێی کوردین لە ناوچەکەدا).
گریمان تورکیا کوردی خۆش دەوێت و تاکە هاورێیانە لە ناوچەکەدا و دەیەوێت پارێزگاریان لێ بکات ، وازیش لەوە بێنین کە چی بە هاوڵاتیە کوردەکان و تورکەکانی خوی دەکات لە تورکیا و تەنها تۆزێک بە وردبینیەکی زیاترەوە بڕوانینە ڕەفتارەکانی تورکیا بکەین لە (عەفرین)  و ناوچە کوردیەکانی تر  باکوری سوریا لە نێوان ئەم دوو ساڵەی دوەییدا بکەین.
تورکیا  دەوڵەتی دوژمنی کورد نیە
باشە با ئەم پرسیارانە لە تورکیا و حکومەتەکەی و سەرکردەکانیان بکەین:
١-پێش داگیر کردنی ناوچەکانی (جرابلس و باب و ئەعزاز) زیادلە(١٣٠) گوند ڕەسەنی بون لەو ناوچانە، ئێستا خاوەنی ئەو گوندانە لە کوێن ؟ و کێ لەو گوندانەدا نیشتەجێ بون؟
٢-بۆچی لەوڵاتێکی تردا (سوریا) و لەسەرخاکی کوردەکان ئاڵاکەتان بەرزدەکەنەوە و وێنەی سەرۆکەکەتان هەڵدەواسن؟
٣-بۆچی ناوی گوند و شار و گەڕەک و شەقامە ڕەسەنەکان لە کوردیەوە بۆ تورکی دەگۆڕن و ناسنامەی تورکایەتی بەسەردا دەسەپێنن؟
٤- بۆچی زمان کوردیتان لە عەفرین ناوچەی باکوری حەلەبدا قەدەغەکردووە و بەتیدا زمانی تورکی و عەرەبیتان داناوە لە کاتێکدا تەواوی ئەو ناوچانە کوردی ڕەسنی تێدا نیشتە جێ بوبو؟
٥-کاوەی ئاسنگەر هێمای و ئەفسانەی کورد بوو و تاڕادەیەکیش پیرۆز بوو و پەوەستە بە مەزنترین جەژنی کوردەوە (نەورۆز) ، بەڵام هەر ئەو کاتەی هێزەکانی دەوڵەتی تورکیا تورکیا لەگەڵ گروپە تیرۆرستەکانیدا چونە ناو عەفرین یەکەم کاریان ڕوخانی پەیکەری (کاوەی ئاسنگەر ) و سوکایەتی پێ کردنی بوو ، پرسیارەکە لێرەدا ئەوەیە ئایا کاوەی ئاسنگەریش تیروریست و جوداخوازە؟
٦-بە درێژایی ساڵانی کوشت و کوشتار لە سوریا سەدان گەنجی کوڕ و کچی عەفرین لە پێناو بەرگری کردن لە ناوچە و کەسوکارەکەیان شەهید بون، شەهیدانیش بە های مەعنەو و پیروزیان لەلای کومەڵگای کوردی هەیە، بێ لەبەرچاوگرتنی بیری سیاسی و حیزبی جیاوازیان، بەڵام هەر ئەو کاتەی کە تورکیا عەفرینی داگیر کرد یەکسەر دەستی کد بە تێکدان و وێرانکردنی گوڕی شەهیدان تەخت کردنیان لەگەڵ زەویدا و سوکایەتی پێ کردنیان، ئایا تۆڵە لە گۆڕی شەهیدان دەکەنەوە لەبەرئەوەی بەرگریان لە ناوچە و گەلی خۆیان کرووە؟! 
٧- لەکاتی هێرش کردنە سەر عەفرین بە هەڕەمەکی دەستیان کرد بە بۆمباران کردنی ماڵ و خەڵک و منداڵی سڤیل و دەیانی لێ کوشتن و سەدان برینداریشیان لێکەوتەوە ، قوتابخانە و نەخۆشبانە و پرد و و بەنداو و وستگە کارەباییەکان و تاوەرەکانی تەلەفون و وێسگە ڕادیۆ و تەلەفزیون و شوێنەوارە دێرینەکانیان وێرانکردن ، ئەرێ ئا بەم شێوەیە خۆشەویستی خۆتان لەبەرامبەر کورد دا دەردەبڕن.

٨- لە ماوەی کەمتر لە سێ مانگدا دەستان کرد بە تیرۆر و کۆچبەری کردنی زیاد لە چوار سەد هەزار هاوڵاتی کوردی سوری لە عەفرین و لەبەرامبەردا دەیان هەزار تیرۆرست و و ئاوارە و کۆچبەری عەرەبتان هێنا لە ماڵ و گوند و شارە کوردیەکاندا نیشتەجێتان کردن، ئایا گوڕینی دیمۆگرافی ناوچە کوردیەکان بۆ خوشەویستیتان بۆ کورد دەگەڕێتەوە؟
‎٩-بۆچی هەزاران تەن  بەری زیتون و ڕۆنی زەیتونی عەفرینتان فەرهود کرد و گواستتانەوە بو تورکیا بۆ ئەوەی لە بازاڕە جیهانەکاندا بیفرۆشن ؟ و هەزاران درەختی  زیتونتان  بڕی و سوتاندتان.
١٠-دوای داگیر کردنی عەفرین لە لایەن تورکیاوە ئایا یەک مەسیحی یان یەک کەنیسە لە عەفریندا مایەوە ؟
١١- ئایا لەو باوەڕەدان کە ئێمەی گەلی کورد و ئەرمەنی و سریانی و ئاشوری و عەرەبی ناوچەکانی باکوری سوریا و ڕۆژئاوا ئێوەمان دەوێت؟ نەخێر بێ لە تیرۆرست و پاشماوەی نوسرە و داعش و ئەحراری شام و و ئیخوانی مسلمین و کەسانی هەڵگری بیرە ئاینیە توندڕەوەکان و هەندێک لەو کەسانەی کە دەیانەوێت ببنە نۆکەری عوسمانیە تازەکان هیچ کەسێکی تر ئێوەی ناوێت.
لە کۆتاییدا دەڵێین ئێمە ئێوەمان ناوێت و و دژایەتیشتان ناکەین و نامانەوێت ئێوەش دەست لە کاروباری ناخۆی سوریامانەوە وەردەن و وڵاتیشمان داگیر مەکەن.
 ئەگەر ئێوە کوردتان خۆش دەوێت ئەوا نزیکەی ٢٥ ملیون کورد لە نێو سنوری فەری خۆتاندا دەژین و ڕاستگوییتان پیشان بدەن و دەیان هەزار زیندانی کورد لە زیندانەکانتاندا ئازاد بکەن و واز لە کورد بهێنن خۆیان پارێزگاری لە خۆیان بکەن و بڕیار مافی چارەی خونوسی خویان بدەن، و ببنە هاوبەشی ڕاستەقینەی وڵاتەکەتان، بە فەرمی لە دەستوری وڵاتتاندا دان بە گەل و زمانی کوردیدا بنێن، هەروەها دان بنێن بە کوشتار و ئەو تاوانانەی دەوڵەتەکەتان لەبەرامبەر کورد دا ئەنجامی داوە.
ئێمەی کوردی سوریا نابینە بەشیک لە وڵاتەکەتان کە تورکیایە  و کێشەکانمان  لەگەڵ ئەو نەتەوانەی کە ئاو و هەواو و خاک و چارەنوسمان لەگەڵدا بەش کردون و لەو وڵاتەی تێیدا دەژین چارەسەر دەکەین.

پۆڵات جان

ڕاوێژکاری هێزەکانی سوریای دیموکرات هەسەدە




ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved