ئەوە دەوڵەت داریە، نەک کوێخایەتی دەڤەرێک!

ئەوە دەوڵەت داریە، نەک کوێخایەتی دەڤەرێک!

ڕێبین شەمامکی


816 جار خوێندراوه‌ته‌وه

لە هەموو دونیادا دروست بوونی کابینەی حکومەت بەندە بە بەرنامە و پڕۆژەی حیزبەکان، بە قیادەی کارەکتەرێکی بە هێز، بۆ ئەوەی ببێتە سوپرایزێک بۆ هاوڵاتیان ، لە فۆڕمێکی جیاوازدا خۆی نمایش بکات و بە ئۆپشنێکی تازە بێتەوە مەیدان، بۆ تەجاوزکردنی ئەو حکومڕانیە تەقلیدیە پڕ لە عەیب و عارەی جاران کە میللەتیان گیرۆدەی دنیایەک قەیران کردبوو.

بۆیە ئەو جۆرە لە گرنگی پێ نەدانەی هاوڵاتیان یەکسانە بە بایکۆتی ئەو هەڵبژاردنە زۆر بێ ئەرزشەی لەو هەرێمە داماوە دا بەڕێوەچووە! لەگەڵ بێ ئومێد بوون لە گۆرانکاری لەسەر دەستی هەمان تیم، کە تەنیا نەهامەتیەکانیان زیاتر دەبن.
کەواتە دروست بوونی کابینەیەک لە سەر ئەساس و ئەنجامی هەڵبژاردنێکی زۆرینەی بایکۆتدا، هەر بایی ئەوەندە پێشوازی لێ دەکرێ و جێی ئومید دەبێت، کە متمانەی خەڵکی پێ وەرگیرابێ!

چونکە بێ ئومێدبوونی هاوڵاتیان لە ئەدای ئەو حیزبانەی کە چارەگە سەدەیەک زیاترە لەو هەرێمە حکومڕانن لە سەرچۆپی ترۆپکی دەسەڵاتەوە تا دەگاتە موختاری گەڕەکێک ، کە گاوانیەکەی بۆ دەکات زۆر بەتۆخی! 
هیچ مەسافەیەکیان نەهێشتۆتەوە بۆ حیزب و لایەنێکی دی وەک شەریک، تەنها پێکیان کردوون بۆ جوان کردنی رووی ناشرینی حکومەتەکەیان .
هیچ کاتێ پێیان باش نەبووە، یان نەیانهێشتووە ئەو وەزارەتانەی لە دەستیشیان بووە تێیدا سەرکەوتووبن.
یان رێگربوونە لە بەرنامەو پرۆژەکانیان، یان ئەسلەن پشتگیریان نەکردوون.
لەکاتێکدا سەرکەوتنی ئەوان سەرکەوتنی کابینەکە بووە
بەر لەوەی ئافەرینێک بێت بۆیان .

ئیدی ئەگەر وەک و رابردو، حکومرانی بەو نەفەسە تاکجەمسەری و بوغزاندنە بەردەوام بێت، هەر ئەو نەهامەتی و شکەستی لێ دەکەوێتەوە کە کابینە بۆ کابینە ژمارەکەیان گەورەتر دەبێت و سیمای حکومڕانیش ناشرینتر و حیزبی تر دەبێت .
بۆیە ئەگەر قەرار وایە ئەو کابینە جیاواز تر بێت لەوانی دی، چ وەک گەورەترین کوتلەی پەڕلەمانی کە بۆتە ئەمری واقیع، چ وەک کارەکتەری تازەکەی پارتی کە دەبێتە کاپتنی کابینەی نۆیەم ، ناکرێ کاپتنی حکومەت سەرۆکی وەفدی دانوسان نەبێ کە بەر پرسی یەکەم و کۆتایی خۆی دەبێ لە سەرکەتن و شکەست، چونکە ئەوە نەسولحی عەشایریەو و نە خوازبێنی!
ئەوە بەرنامەو پڕۆژەی کابینەی حکومەتی داهاتووە، بەش و پشکی حیزبەکانە ناکرێ راسپێردراوی کابینە غایب بێت و راستەوخۆ بەشدار نەبێت و نەزانێ ئەوان چ حکومەتێکیان دەوێ و خۆی دەیەوێ قیادەی چ کابینەیەک بکات؟

کەوابوو دەگەینە ئەو خاڵەی کەوا میللەت بەستەزمان نیە بەڵکو ئەوە حکومەتە متمانەی میللەتی لەدەستداوە! بۆ گێرانەوەی متمانەش نیەت و هەنگاوی عەمەلی و پڕاکتیکی دەوێ، نەک دروشم و قسەی گەورە و لۆژیکی هێزو ژمارەی کورسی و تۆقاندن!
دەبێ خەمی خاک و هاونیشتمانیان ئەولەویەت بێت، نەک مامە حەمەیی دەوڵەتان و رازی کردنی ئەوان ! پەیڕەوی لۆژیکی عەقل، نەک عەقل و میزاجی حیزب! 
ئەوە چارەنووس و ئەمانەتی هەرێمێکە بە رووی حکومڕانیەکی تەندروستدا،
هەر حیزب و سەرۆکی حکومەتێک، ئەگەر بخوازێ جێی شانازی میللەتەکەی بێت، دەبێ خزمەتکاری بێ،
بۆ ئەوەی میللەت نەتوانێت دەست بەرداری بێ!
نەک ئەو نەیەوێ دەست بەرداری دەسەڵات بیت بە هەر نرخێک!! 
ئاخر ئەوە دەوڵەتداریە نەک کێخوایەتی دەڤەرێک.

ڕێبین شەمامکی



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved