مەدلوولی پشت (فیفتی بەفیفتی) ماوە؟

مەدلوولی پشت (فیفتی بەفیفتی) ماوە؟

دەلیل جەمال


437 جار خوێندراوه‌ته‌وه

ڕێككەوتنی نێوان دوجەمسەرو دەسەڵات وحوكمڕانەكەی هەرێم كەبەڕێككەوتنی ستتراتیژی و (فیفتی بەفیفتی)هاتە ناوفەرهەنگی سیاسییەوە ،درێژەی هەبوو تا هاتنی گۆڕان و بردنەوە ۲٥كورسی پەرلەمان لەناو پارتی هەرلەوكاتەوە ئاراستەیەك درووست بوو كە پارتی نابێت چیدی لەگەڵ یەكێتی لەیەك بەرەدابن و پێویستە ئەوڕێككەوتنە كۆتایی بێت و پارتی ببێتە هێزی یەكەم و براوەی یەكەمی هەڵبژاردن،  ئەم ئاراستە تادەهات بەرفراوانتربوو لەناوپارتی مەیلی پەرتیش بۆئەوەبوو قۆناغێكی تر بەبێ یەكێتی تاقی بكاتەوە دواجار تاقی كرایەوەو پارتی بەبێ یەكێتی ۳۸كورسی و یەكێتیش بەبێ پارتی ۱۸كورسییان هێنا گۆڕان كەبراوەی دووەم بوو ۲٤كورسی بەدەست هێنا .

پارتی و گۆڕان و مەرگی فیفتی بەفیفتی.
پارتی و گۆڕان ڕێككەوتن و یەكێتی لەدەرەوە مایەوە ڕێككەوتنی ستراتیژیش لەواقعدا كاڵ بوویەوە تاڕادەیەك (یەكێتی تەواو بوو) بۆپارتی گۆڕان بەدیلی یەكێتی و بۆگۆڕانیش ڕێككەوتنی لەگەڵ پارتی مەرگی فیفتی بەفیفتی و بەدیلی یەكێتی ، دواجار كورت و پوخت ئەم تێڕوانینە وادەرچو؟

بێگومان نەخێر هەردوو ئاراستەكە نەیانتوانی بەدیل بن چونكە بنەمای ڕیشەیی لەڕێككەوتنیان نەبوو هەربۆخۆی كەرەستەی پێكەوەبوونیان دوورمەودا نەبوو، بەڕادەیەك گەشتنە كۆتایی و نوقتە سەری دێڕ.

پارتیش گەشتە ئەو ڕاستیەی توانای دۆزینەوەی بەدیلی بۆیەكێتی نییەو قودرەتی عبوركردنی ئەو قۆناغەی نییەو ناتوانێت تێگەشتنی هێزی یەكەم لەواقعد بچەسپێنێت و لەدوو قۆناغدا پارتی هەنگاوی بۆناو سەركەوتوو نەبوو.

ئێستا كاتی چیە بۆپارتی؟
هەڵبەت لەم قۆناغەشدا كەپارتی كورسییەكانی لە۳۸كورسییەوە كردە ٤٥كورسی و دەشتوانێت هەربۆخۆی لەگەڵ كۆتاكان زۆرینەبێت و پێویستیشی نەك یەكێتی بەگۆڕانیش نییە،

ئەی بۆپارتی ستۆپی كردووە؟
لەگەڵ ئەمەشدا هێشتا پارتی دودڵە لە جێهێشتنی یەكێتی وناشییەوێت حوكمەتەكەی دووبارە دابەش بكاتەوە لەگەڵ یەكێتی بەتامی فیفتی بەفیفتی ،ناشتوانێت زۆرینەی پەرلەمانی و هێزی یەكەمی كورسی پەرلەمانی بكاتە دیفاكتۆ

مەدلوولی پشت ئەم دەستەووەسانەی پارتی هەڵەشەییە لەسیاسەتدا، چونكە هێشتا زەمینەی تێپەڕاندنی یەكێتی نییەو هەربۆخۆی بەشێك نەبووە لەهێنانەئارای زەمینەی زۆرینەوكەمینە لەڕابردوودا پارتی ڕێگربووە لەو تێزەو مانەوەی كاك مسعود لەسەرۆكی هەرێم و هەمواری یاساو نوسێنەوەی دەستور ئەمانەو چەندینی تر پارتی ڕێگربووە. هەربۆیە ئێستاش پارتی ناتوانێت بەئاشتیانەو ئارامی نمایشی هێزی یەكەمی خۆی بكات كۆبوونەوەكان و بەردەوامی و نامەكەی كاك مسعود بۆكاك كۆسرەت پەیامی ئەوڕاستییەیە پارتی نایەوێت و ناتوانێت بەبێ یەكێتی حوكمەتێكی سەركەوتوو پێشكەش بكات. هەڵبەت كاڵ بوونەوەی ڕێككەوتنە ستراتیژییەكە هەرپارتی نییە یەكێتیش بەهەمان شێوە ئاراستەی جیاواز هەبوو بەشێك پێیان وابوو یەكێتی دەبێت لەپارتی دووربكەوێتەوەو سەنگ وقورسایی خۆی بزانێت هەڵبەت ئەوانەی ئەم بۆچونەیان هەبوو پێیان وابوو.

۱-كورسییەكانی گۆڕان دەنگی یەكێتین و لەتۆڵەی شەراكەت وڕێككەوتنە لەگەڵ پارتی دەچنە گیرفانی گۆڕانەوە(هەڵبەت وانەبوو بەتەنهاش یەكێتی ۱۸كورسی هێنا)
۲-تێنەگەشتنی بەشێك لەوئاراستەیەی ناویەكێتی لەدۆخەكەو بەكەم زانینی پێگەی كاك نەوشیروان و زانیاری هەڵە بەمام جلال(مام جلال دەیزانی زانیارییەكان هەڵەن ومەبەستی تریان هەیە. هەربۆیە مەبەستی بوو پێیان بڵێت ئێوەهەڵەبوون كەپێشی وتن و لۆمەی كردن، دواجار ڕێككەوتنی دەباشان هاتە ئاراوە)

ئێستا پارتی دەزانێت زەمینەی تێكشكانی جەمسەربەندییەكە نییە لەحوكمەتداو ناشتوانێت بێ یەكێتی حوكڕانییەكی تەندروست پێشكەش بكات، ئەوەی ماوەتەوە زەمینەی سازانێكی ترە لەگەڵ یەكێتی و خاوكردنەوەی گرژییەكان و ڕێككەوتنێك بەتامی ڕێككەوتنی ستراتیژی بەڵام بەبێ فیفتی بەفیفتی كەئەمە یەكێتیش لاری لێی نییە بەمەرجێك یەكێتی وەك (یەكێتی)شەراكەتی هەبێت لەحوكمەتداو نایەوێت ڕێككەوتنەكە ئاسەواری پشكۆی لەگەڵ بێت دەیەوێت لەكەركوك و بەغداش كۆتایی بەئالنگارییەكان لەگەڵ پارتی بهێنێت هەڵبەت لەناوپارتیش هەیە دەیەوێت بەیەكجاری لەگەڵ یەكێتی نەگەنە ڕێككەوتنی كۆتایی و بەشی فشار بهێڵنەوە بۆ حاڵەتی تەواری. دواجار پارتی چۆن بڕیاری كۆتایی دەدات لەسەر داواو نەخشەڕێگاكەی یەكێتی كەخەریكە دەگاتە خاڵی كۆتایی و كاتیش بۆمناوەرەو موداوەلە نەماوە چونكە دواجار قڵب بونەوەكە بەسەرسەری پارتی دایە كە دەیەوێت حوكمەت پێك بهێنێت.

دواجار پارتی بەناڕاستەوخۆ گەشتوەتە ئەو قەناعەتەی هێشتا مەدلوولی فیفتی بەفیفتی(مەبەست دابەشكردنی پۆست نییە مەبەست هێزی بڕیارو شەراكەتە لەقوبەی بڕیاری   سیاسی هەرێم) ماوەو زەمینەی ترازان و خاڵی بنبەست لەگەڵ یەكێتی نییەو دەبێت ڕێككەوتن بكەن بۆ ئەم قۆناغە....

دەلیل جمال



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved