باشوور بەبێ سەنتەر

باشوور بەبێ سەنتەر

ئەحمەدی مەلا


427 جار خوێندراوه‌ته‌وه

هیچ نەتەوەیەك سروشتیی نییە. نەتەوە وەك زمانی ستاندار دروست دەكرێ، مشتوماڵ دەكرێ، وەك ئاوی بێ رێڕەوە، جۆگەلە و بەربەست و بەنداوی بۆ رێكدەخرێ. زمان و نەتەوە دوو دەستەخوشكن، پێكەوە كار دەكەن، یا كاریگەرییان لە تەواوكەریی دایە. 

ئەم سەنتەرە دەبێتە بڕبڕەی پشتی نەتەوەیە و دواتر بە زمانێكیش دەتوانێ گوزارشت لە رەهەندە ماددی و مەعنەوەییەكانی بكا، هەم بتوانێ لە ئێستا تێبگا، هەموو تاوتوێی مێژوو بكات. دوجاریش ئەم دوانەن سنوور و چوارچێوە دروست دەكەن، نەك بە پێچەوانەوە، بە تایبەت بۆ ئێمە. هەرێمە كڵۆڵەكەی لەمەڕ ئێمە، وەكو جاران، بە فەرووی پەڵەپەڵەی ئەو پڵنگە دەكات، هەر پەڵەیەك دورگۆكەیە و سروشتییانە دەژی.

نەبوونی سەنتەری بڕیار، چ كەلتووریی، چ زمانەوانەیی، چ سیاسیی بە مانا گشتخەرەكەی، تەنانەت نە كۆمەڵایەتییش وا دەكات هەم پرۆژەی نەتەوە دوا بكەوێت، هەم رێڕەوی یەكسختنی سیمای زمانێكی گوزارشتكەر لەو نەتەوەیە لێڵ و بێ پەروا بێ و دواجاریش دواكەوتوو بێ. لە باشوور نە حیزبی سیاسییمان هەیە وەك دەرهاویشتەیەكی مۆدێرنە كە شار بكا بە مەڵبەندی خۆی، نە موعارەزەش لەو رۆڵە تێگەیشتووە، یا موعارەزەش تووشی هەمان ڤایرۆسی دەسەڵاتی بەرتەسك و بینكورت و سنووردار دەبێت. لە زۆر رووەوە، بە پاشەڵی رێكخراوی سیاسیی ئێمەوە، هێشتا پینەكانی سەدەی نۆزدەم وەك پەڵەكانی فەرووی پڵنگە سروشتییەكەیە وایە كە كاتی خۆی دانتی بە زمانی ئیتالیی سەدەی پانزەمی دەچواند...ئێمە نابین بە نەتەوە تاكو سەنتەرێكی كۆكەرەوە، پاكبووەوە لە میراتی سەدەی نۆزدەم پەیدا نەبێ...

ئەحمەدی مەلا



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved