گۆران‌و پارتی‌و یەكێتی.. كێ یاری بە كێ دەكات؟

گۆران‌و پارتی‌و یەكێتی.. كێ یاری بە كێ دەكات؟

زه‌به‌نگ به‌هادین


747 جار خوێندراوه‌ته‌وه

لە دوای تێپەر بوونی 185 رۆژ بەسەر هەڵبژاردنی پەر‌لەمانی كوردوستان تائێستاش حكومەتی هەرێم پێك نەهاتووە , ئەو دەستەی سەرۆكایەتی یەی پەرلەمانیش  كە دروست كراوە هیچ گرنگی یەكی نی یە چونكە ئەویش كاتی یە و هیچی پێناكرێت , تێپەربوونی كات لە بەرژەوەندی كێ یە دوا كەوتنی پێكهێنانی حكومەتیش لە زەرەری كێ یە ؟ كاتێك پارتی دیموكراتی كوردوستان 45 كورسی هێنا پێ وا بوو كە بۆتە زۆرینەی پەرلەمانی و  جڵەوی داهاتووی حكومەت ئەو دەیگرێتەوە دەست و خۆی چۆنی پێباش بێت بە پێ ی ویست و خواستی خۆی حكومەت دروست دەكات , هەر بۆیە پارتی بە هەلێكی باش زانی تەواوی دار و دەستەو باَلەكانی حكومەتی پێشووش بگۆرێ بە هۆی ئەو 45 كورسی یەی ئەمجارە بە دەستی هێناوە , پارتی بۆ مل دان بە یەكێتی نیشتیمانی كوردوستان هانا دایە پاڵ بزوتنەوەی گۆران , ئەوەی بزوتنەوەی گۆران ویستی پارتی بۆی بە دی هێنا لە پلەو پۆست كە ئەمە گۆران بە رزگار بونی خۆی ئەژماری كرد لەو دۆخە دارایی یە خراپەی كە تێیدایە , وەلێ گۆران ئێستا نازانێ چ كارەساتێكی خولقاندوە بۆ خۆی كە لە داهاتویەكی نزیكدا پەرچە بەدی یەكانی ئەو هەنگاوەی وەردەگرێتەوە , وە لە ئێستاشدا بۆتە كێشەی ناوخۆی بۆ بزوتنەوەكە لەسەر بە دەست هێنانی پلەو پۆست , گۆران لای وا بوو ئەمجارەش وەك جارەكانی دی لە كۆتای دا یەكێتی بە ئاسانی تەسلیمی پارتی دەبێت و حكومەت پێك دێت , چونكە گۆران باش دەزانێ بە بێ یەكێتی نە حكومەت پێك دێت وە نە ئەم ئەتوانی جێگەی یەكێتی بگرێتەوە بۆ پارتی , گۆران دیدبینی تەواوی هەیە بۆ ئەوەی هەرچی جومگەی سەربازی و ئاسایش و چەك و پارە هەیە لە زۆنی ئەم لا لە ژێر هەیمەنەی یەكێتی دایە كە هەرگیز ئەمە ناداتە دەست گۆران , بەواتا دەبێت گۆران بروا لە هەولێر حكومەت دروست بكا و لەوێ بژی بەو دەسەڵاتانەی پێ ی دەدرێت , بەڵام هاوكێشەكە ئەمجارە وەك جارانی پێشوو نەبوو , یەكێتی نەهاتە ژێر باری خواستەكانی پارتی , ئەو هەرەشەو گورەشەیەی بارزانیش كردی  وەك بابەتی ریفراندۆمەكەی لێهات رەنگە بە زەرە ر بەسە ر پارتی دا بشكێتەوە ئەمجارەش .

لەم دۆخەی ئێستادا دوو گریمانە هەیە یەكیان ئەوەی كە بزوتنەوەی گۆران كەوتە دوای فاقی پارتی و خویندنەوەی نەبوووە بۆ دۆخی ئێستای خۆی بۆ پێگەی جەماوەری , چونكە هەر هێزێك لە پارتی نزیك بێتەوە بە توانەوەی خۆی و لاواز بوونی خوی كۆتایی پێ دێت , كە ئەمەش رەنگە قورس بێت . گریمانەی دووەمیش ئەوەی گۆران باش ئەمانەی زانیوە ئەم جۆرەتكتیكێكی سیاسی یە لە نێوان گۆران و یەكێتی بەرامبر پارتی , ئەم گریمانانەش ئەم پرسیارە دێنێتە پێشەوە ئاخۆ گۆران نەیزانی یەوە بە بێ یەكێتی حكومەت دروست نابێت دروستیشی بكەن دەسەلاتی‌ ئەو حكومەتە تا دێگەڵەیە ؟ ئەگەر گریمانەی ئەوەشی دانا بێت كە لە كۆتایی یەكێتی تەسلیمی پارتی ئەبێت ئەی ئێستا كە یەكێتی تەسلیم بە ئیرادەی پارتی نابێت بۆ گۆران پێداگری دەكات لە پێنەدانی جیگری دووەمی سەرۆكی هەرێم بە یەكێتی .

لە لایەكی ترەوە یەكێـی باش ئەزانێ چەنێك جێگری سەرۆكی هەرێم دەسەلات و توانای هەبووە لە سەردەمی بارزانی كە ئەو پۆستە لای یەكێتی بووە ئەمجارە كەمتر لەوە ئەو پۆستە كاریگەری دەبێت , یەكێتی باش ئەزانێ دەسەلات لە هەرێمی كوردوستان نە بە ژمارەی كورسی یە نە بە پۆستە , دەسەڵات لە ناو هەرێم تازە بەش كراوەو ئەم بەش بەشێنەیەش جارێ گۆرانكاری بەسە ردا نایەت پارتی دهۆك و هەولێر یەكێتیش سلێمانی هەلەَبجە . ئەمە تەوەری سەرەكی ئەم شیكردنەوەیە كە هەر یەك لە بزوتنەوەی گۆران و یەكێتی نیشتیمانی كوردوستان باش خویندنەوەیان كردووە بۆ دۆخە سیاسی یەكەو باش یەك ئەناسن ئەی كەواتە بۆ وا ئەكەن ؟ تەنها یەك وەلام هەیە بۆ ئەم پرسیارە ئەویش ئەوەیە یەكێـی و گۆران یاری بە پارتی دیموكراتی كوردوستان دەكەن دەیانەوێت زۆرترین پلەو پۆست و بەرژەوەندی بۆ خۆیان بەرن وە لە هەمان كات بۆ پارتی بسەلمێنن كە ئەگەر پەنجا بە پەنجاش نەمابێ ئەوا پارتی كەوتۆتە تەڵە‌ی 32 بە 32 بە 32 كەلەمەشدا گۆران و یەكێـتی براوە دەبن لە روی پۆست و دەسەڵاتەوە وە پارتیش ئێستا وەك هێزێكی لاوازی بێ دەسەلات دەردەكەوێت كە سەرەرای هەرشەو گورەشەی بارزانی و سەرەرای تانەو توانجی سەرۆكی داهاتوی حكومەتی هەرێم و سەرەرای هەوڵی دیبلوماسی سەرۆكی ئیستای حكومەت هیچی پێناكرێت و دەبێت چاوەرێ رەحمەتی یەكێتـی و برای گەورەی گۆران بێت , بە واتا بەم دۆخەی ئێستا ئەوە گۆران و یەكێتین یاری بە پارتی دەكەن .

زەبەنگ بەهادین



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved