بەخشین لەنێوان ئەنفال و هۆلۆكۆستدا

بەخشین لەنێوان ئەنفال و هۆلۆكۆستدا

هونه‌ر تۆفیق


384 جار خوێندراوه‌ته‌وه

جیاوازی نێوان ئەنفال و هۆلۆكۆست هەر ئەوە نیە كە ئەنفال بەسەر كورددا هاتووە بەدەستی موسڵمان دژ بە موسڵمانێكی تر ، یان عەرەب دژ بەكورد ، هۆلۆكۆستیش بەسەر جووەكاندا هاتووە لەلایەن مەسیحیەكانەوە یان ئەڵمان دژ بە رەگەزی ئیسرائیلی . بەڵكە جیاوازیەكی تر هەیە كە پەیوەندی بە قۆناغی پاش ئەنفال و پاش هۆلۆكۆستەوەیە . ئەویش دروست بوونی هەستی بەخشین و چاوپۆشین لەو كارەساتەی بەسەر هەردوو ڕەگەزدا هاتووە .

لەپاش ٣١ ساڵ لە ئەنفال و ستەمەكانی بەعس دژ بەكورد ، هەستێكی ناهوشیار ، لە نائاگایی زۆرینەی كوردی هەرێمدا دروست بووە كە خۆزگە بە سەردەمی حوكمی سەدام حسەین بخوازێت !! بەڵام جووەكان لەپاش ٧٩ ساڵ لە هۆلۆكۆست لە نەوەی سێهەم و چوارەمیشدا هێشتاكە ڕێگە بەخۆیان نادەن نەك هەر نازیەكان و هیتلەر بەڵكە گەلی ئەڵمانیش ببەخشین ، سەرباری ئەوەی ساڵانە لە ساڵیادی هۆلۆكۆستدا دەوڵەتی ئەڵمانیا داوای لێبووردن لە ئیسرائیلیەكان دەكات !!

ئەو هەستی بەخشین و نەبەخشینە لەوێوە سەرچاوەناگرێت كە ئێمەی كورد لە جووەكان تۆلێرانستر و بەخشیندەتربین ، بەڵكە هۆكارەكەی لەو لاشعور ( نائاگایی ) دەستەجەمعیەوە سەرچاوەدەگرێت كە لە ناڕەزایەتی كورد خۆی لەپاش ئەنفال و سەردەمی حوكمڕانی خۆییەوە هەست بە پارێزگاری لە كەرامەتی مرۆڤ بوونی ناگیرێت ، بەڵام جووەكان لەپاش هۆلۆكۆستەوە ، حكومەتەكەیان لە دەوڵەتەوە بەرزترین ڕێز لە لەكەرامەتی زیندوو و مردووەكانیشیان دەگرن . هەفتەی ڕابردوو لە ڕێگای روسەكانەوە لەپاش ٤٠ ساڵ لە كوژرانی سەربازێكی ئیسرائیلی زەخاری بۆمێل لە سنووری لوبنان - سوریادا لەئاستی سەرۆكایەتی روسی و ئیسرائیلیدا جەنازەكەیان وەرگرتەوە . ئەمەش دەبێتە هۆكاری بەخشینی ناخودئاگای كوردیانە بۆ ئەنفال و كاڵبوونەوەی گەورەیی كارەساتی كۆمەڵكوژیە كوردیەكە و بەردەوام بوونی هەستی گەورەیی هۆلۆكۆستیش لەناو جووەكاندا .

هونەر تۆفیق 



ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved