یەک بار ئاردە دار

یەک بار ئاردە دار

دانا رەشید


607 جار خوێندراوه‌ته‌وه


بێ گومان زۆربەمان ئەم چیرۆکەمان بیستوە کە دەلێ ( خودا لە سوڵتان محمود گەورەترە) گوایە سوڵتان محمود داوای لە دارتاشێک کردوە کە لە زەرفی شەو و رۆژێکدا دەبێ یەک بار ئاردە داری بۆ کۆکاتەوە دەنا لە سەری دەدرێ ، هەمیشە بۆ من کاتێ ئەو پەندەم دێتە بەرگوێ کە لەم چیرۆکەوە داکەوتوە گوایە مرۆڤ هەر دەبێ هیواو ئومێدی بە سبەینێ یەکی نوێ هەبێ ، کاتێ روناکی دێت و تاریکی شەوی رابوردوو شەق و پەق دەکات ، رەنگە گۆڕانکاریش بە بارودۆخەکە بێت ، رەنگە بریارگەلێک کە لە تاریکی دا واژۆ کراوە ، لە سبەینێ یەکی روناکدا راستیەکان باشتر خۆیان دەربخەن ، ئاخۆ تاوانی ئەو دارتاشە چی بووبێ وا سوڵتانێکی گەورەو گرانی وەک سوڵتان محمودی عەرشی ئیمپراتۆری عوسمانی ئەو گەڕەی پێ کردبێ بۆ لە ناو بردنی ، رەنگە سەرکردەی جوڵانەوەیەک بوبێ دژی زوڵم و زۆری دەسەڵاتی سوڵتان ، رەنگە کەسێکی خاوەن پێگەی کۆمەڵایەتی بوبێ و ( پیاو ماقوڵانی شار ) بۆیان تێ چەنبێ تا سەری بکەن بە گۆڕدا ، رەنگە رەنگە ..... هتد 

ئەوەی لەم چیرۆکەدا دەمەوێ بیڵێم ،رەنگدانەوەی ئەم عەقڵیەت و حوکم کردنەی تورکە یان دەسەڵاتی تورکە بەرامبەر نەیارەکانی دەسەڵات ، کە دییارترین نەیاری دەسەڵاتی تورک ( میلەتی کوردە ) کە ئێستە لەم سەردەمەی ( سوڵتان ئەردۆگان ) تەواو ئێسقانی بوونی کورد وەک دەنگدەر وەک میلەت وەک کیان وەک هێزێکی رکابەری کاریگەر لە قورگی ئەردۆگان و پارت و خەون و دەسەڵاتەکەی گیراوە ، هەندێ جار قرخە قرخ و کۆکە کۆکی دەگاتە دوورترین شوێنی جیهان.

تۆ سەیر کە ، لە هەر هەڵبژاردنێکدا ئەردۆگان بدۆڕێ پەنێک بە ( هەرێمی کوردستان) دەگێرێت و دەسەڵاتی هەولێر دەخاتە ژێر باری ( یەک بار ئاردە دار) ەوە کە دەبێ هاوکاریان بکەن لە هێرش و پەلامار بە ناوی ( PKK )ەوە ،ئەمەش بۆ بزواندنی هەستی راسستی میلەتی تورک ، کە تورک دژی کورد کەسانی راسست و بێ ویژدان و خوێرێژ پەسەند دەکەن، بە ئاشکرا دەیەوێ هەولێر ملکەچ بکات بۆ ئەوەی ( شاری کەرکوک) بکەوێتە دەست تورکمان ، هەروەک چۆن کەسێکی تورکمانیان لە سەرۆکایەتی پەرلەمانی هەرێمی کوردستان داناوە ، هەروەک چۆن بە دەیان سەربازگەی تورک لە هەرێم وجودی هەیە ، ئەردۆگان گەرەکێتی لە رگەی خەتەری PKK هەمیشە گەڕی بارە ئاردە دار بە هەولێر بکات و پێگەی تورکمان قایم بکات ، سنوری دێگەڵە پتەو بکات تا نفوزی ئێران نەگوازرێتەوە بۆ هەولێر ، تا خۆی حوکمی هەولێر بکات کە ناویان لێ ناوە ( حەوشەی پشتەوەی تورکیا) هەتا ئێرە ڕونە دوژمنایەتی کردنی پارتی بەرامبەر هێزەکانی قەندیل خاڵی هاوبەشی پارتی و ئەردۆگانە ، لێرەوە دەبێ چەند پرسیارێک ئاراستەی حیزبەکانی ئەمدیو سنوری دێگەڵە بکرێت ، کە هاوبەشی پارتین لە حکومەتی مەسرور بارزانی دا ، تایبەت بزوتنەوەی گۆران.

یەکەم ، ئایا ئەمان بە گشتی و یەکێتی و گۆرران بە تایبەتی رازین بەم رەوشە ، لە لایەک لە حکومەتدا بەشدارن وەلی لە حکومرانی هەرێم کورد واتەنی پارتی مەن بە کڵاوی کەسیان ناپێوێت ؟ .

دوەم ، پارتی هەمیشە بەرامبەرەکەی یاخود لایەنەکانی تری لە خراپەکاری دا بەشدار کردوە و هەرچی خراپە هەیە دەیسوێ بە سەری لایەنی تردا ئەمما یەک زەڕە سەروەری جگە لە بنەماڵەی بارزانی بە کەسی تری رەوا نابینێ ، ئەدی وا یەکێتی بە هەرحاڵ ،گۆرران ناترسێ لە لەعنەتی مێژو ؟.

سێ یە ، وا ئیسلامیەکان دۆستی ئەردۆگانن ، ئەدی لایەنگرانی یەکێتی و گۆرران پرسیارێک لە خۆیان ناکەن ، تاکەی ئەم رەوشەی هەرێم بەم جۆرە بروا پارتی بە فیتی ئەردۆگان و تورک بیانخاتە ژێر حوکمی یەک بار ئاردە دارەوە ، کە سەریان پێ نەوی کات.

چوارەم، ئایا مێدیای ئازاد ونوخبەی رۆشنبیران و نارازیان ، ئیدی وادەی ئەوە نەهاتوە بڵێن نەخێر ، حەدو حدودێک بۆئەم رەوشە دابنرێت .کە هەر دەنگێک بڵند بێت ، یان بێ دەنگی کەن یان بخرێتە ژێر حوکمی یەک بار ئاردە دار.

دانا رەشید



ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved