بەسەیرکردنی لاپەڕه کانی مێژووی هاوچارخی عێراق،بەئاشکرا دەردەکەوێ حیزبی شیوعی عێراق هەمیشە بەتیۆری و کرداری ڕۆلی بەرچاوی هەبووە لەپالپشتیکردنی چینی کرێکاران و جوتیاران و خەڵکی هەژارو دژی چینایەتی وەستاوەتەوە.سەرەڕای ئەمەش دژایەتی هەر حکومەت و سەرکردەو حیزبێکی کردووە،کە برەویان بەچینایەتیدابێت،بەجۆرێک ئەگەر لەسەرحسابی گیانی خۆشیان بوبێت،سازشیان لەسەربیروباوەرەکانیان نەکردووە.گیانلەدەستدان و زیندانیکردنی هەزاران شیوعی لەسەردەمی حوکمی بەعسدا نمونەی حۆڕاگری شیوعیەکانی عیراق و کوردستان دەردەخات.
بۆیە ئەم هۆکارانە وایکردبوو حیزبی شیوعی،ببیتە خاوەن پێگەو رێکخستنێکی جەماوەری بەهێزلەناو خەڵکی هەژار لەناوچەکاندا نەک فاکتەری دژایەتی ئاین،چونکە بەشێکی زۆری ئەندامانی حیزبی شیوعی خوێندەواریان نەبوو یان نیمچەخوێندەواربون و لەبنەماکانی شیوعیەتیش تینەگەیشتبون.سەرەڕای ئیلهام وەرگرتنی خەڵکی لەوڕوحیەتە بەهێزەی لەشیوعیەتدا بونی هەبوو له دژایەتیکردنی ستەمکاری و دیکتاتۆریەت و بەدیهێنانی مافی گەلان.
ئەوەی جێگەی سەرنج و تێڕامانە،له دوای راپەڕینەوە حیزبی شیوعی عیراق و کوردستان،ئەم مەیدانی خەباتەو مێژووە پڕسەروەریەی بەتەواوی چۆڵکردووەو لەزۆربەی ئەوکیشەو قەیرانانەی کەپەیوەندیان بەچینەکانی خوارەوە هەیه بیدەنگیان هەڵبژرادووە،ئەمەش وایکردووە حیزبی شیوعی عیراق و کودستان توشی پاشەکشێ یەکی بەرچاوببن و کەس خۆزگەیان پینەخوازێت.بواری گەندەڵی له کوردستان و عیراق،یەکێک بوو لەوبوانەی دەبوو شیوعیەکان لەهەموان زیاتر قسەیان لەسەری هەبێت و پشتگیری جەماوەربکەن.ئەمەجگەلەوەی لەکاتی سەرهەڵدانی قەیرانی دارایی حیزبی شیوعی نەیتوانی پەیامی خۆی و چالاکی جەماوەری ئەنجامبدات.ده بوو له کاتی برەودان بەتۆخکردنەوەی سیستمی چینایەتی لەکوردستان،لەکردنەوەی باخچەو قوتابخانەو نەخۆشخانەی ئەهلی و زانکۆی ئەهلی لەشارەکانی کوردستان و عێراق،حیزبی شیوعی یەکەم هێزبوایە،چالاکی میدیایی و خۆپیشاندانی جەماوەری ئەنجامدابوایە.
بەبۆچونی من لاوازی سەرکردایەتی سیاسی هەردوو حیزبی شیوعی عێراق و کوردستان و وەرگرتنی پۆست و ئیمتیازات لەلایەن سەرکردەکانیان و هەوڵدان بۆخانەشنینی و دروستبونی چینایەتی لەناوخودی حیزب لەگەڵ نەبونی دیدوو تێروانینی تازەو سەرده می بۆپاڵپشتیکردنی چینەکانی خوارەوە وایکردووە لەخەباتی جەماوەری دوربکەونەوەو چیتر نەبنە جێگەی متمانەی چینەکانی خوارەوە.
ئەم وتارە دەربڕی بۆچونی نووسەر خۆیەتی