شارپرێس:
هێزەکانى
هەسەدە ئامارى شەڕو پێکدادانى ٢٤ کاتژمێرى رابردووى راگەیاندو لەماوە ٣٢ چەکدارى
گروپەکانى سەر بە تورکیا کوژراون و بریندارکراون.
ناوەندی راگەیاندن و چاپەمەنی
هێزەکانی سوریای دیمۆکراتیک ئەنجامی چالاکییەکانی شەڕڤانانی هەسەدە لە چوارچێوەی
پاراستنی رەوا و هێرشی داگیرکەرانی دەوڵەتی تورک و چەتەکانی لە باکور و رۆژهەڵاتی
سوریا بڵاو کردەوەو ئاشکرای کرد کە لە ماوەی ٢٤ کاتژمێردا ١٣ چەتە کوژراون و ١٩
کەسیشیان بریندار بوون.
هەروەها روونیکردەوە، سوپای
تورکی داگیرکە و چەتەکانی سەرەڕای ئەوەی ئاگربەستیان ئیمزا کردووە، جارێکی تر بە
هەموو هێز و توانایەکی تەکنیکیی زەمینی و ئاسمانیەوە لە سەرتاسەری سنووری رۆژئاوای
کوردستان و باکورو رۆژهەڵاتی سوریا هێرشە داگیکەرییەکانی بەردەوام دەکات و
پەیمانەکانیش بنپێ دەکات.
سوپای تورکی داگیرکەر و
چەتەکانی هەم زەمینی و هەم ئاسمانی هێرشەکانی بۆ سەر تل تەمر و دەوروبەری بەردەوام
دەکات، سوپای تورکی داگیرکەر و چەتەکانی بە تانک و چەکی قوڕس هێرشێکی توندیان کردە
سەر گوندی تل محمد.
هەروەها سوپای تورکی
داگیرکەر و چەتەکانی بە چەکی قوڕس و تانک و تۆپ، بە توندترین شێوە هێرشیان کردە
سەر گوندەکانی خربەت فارس و شەڕگراک و زەنووبا و مەسعودیە و دبس و خربەت کەریم و
قزعەلی و کەفیفا و وەبدێ. هێزەکانمان لە چوارچێوەی پاراستنی رەوا دا وڵامێکی توندی
هێرشەکانیان دایەوەو شەڕێکی قوڕس لەو ناوچانە روویدا. لە ئەنجامدا لە نزیک رێگای
نێودەوڵتی (M4) ٢ ئۆتۆمبیلی سەربازی وئۆتۆمبیلێکی دۆشکە
هەڵگر و تانکێکیان تێکشکاندووە. هەورها دەستیان بەسەر رەختێک و ٣ چەکیشدا گرتووە.
هەورها لە ئەنجامی
بەرخۆدانی هێزەکانماندا ١٢ شەڕڤانەکانیان شەهید بوون و ٧ شەڕڤانیانیشیان بریندار
بوون.
س.هـ