شارپرێس
میدیای نەوەی نوێ ڕایگەیاند، سەرۆکی جوڵانەوەی نەوەی نوێ گەیشتە تارانی پایتەختی ئێران و لەگەڵ بەشێک لە بەرپرسانی ئەو وڵاتە کۆدەبێتەوە.
بەپێی هەواڵێکی میدیای نەوەی نوێ شاسوار عەبدولواحید، سەرۆکی جوڵانەوەی نەوەی نوێ ئەمڕۆ گەیشتە تارانی پایتەختی ئێران و وابڕیارە لەگەڵ بەشێک لە بەرپرسانی باڵای ئێراندا کۆببێتەوە.
سەردانەکەی شاسوار عەبدولواحید لە کاتێکدایە، کە ھەرێمی کوردستان لەبەردەم ھەڵبژاردنی پەرلەمانیدایە و سەرۆکی جوڵانەوەی نەوەی نوێش بانگەشەی بردنەوەی ھەڵبژاردن و گرتنە دەستی دەسەڵات دەکات.
لەدوای دروستبونی نەوەی نوێوە تا ئیستا ئەمە یەکەم جارە سەرۆکی جولانەوەکە سەردانی ئێران بکات و پێشتر ھیچ پەیوەندیەکی راگەیەنراو لە نێوان جولانەوەکەو کۆماری ئیسلامی ئێراندا نەبوە.
س.س