بریتنی سپێرزو هاوسەرە ئێرانییەکەی لەیەک جیابونەوە

هەمەڕەنگ

04/05/2024‌ 439 جار خوێندراوه‌ته‌وه

شارپرێس:

گۆڤاری "پیپڵ"ی ئەمریکی بڵاویکردەوە، گۆرانیبێژی ئەمریکی بریتنی سپێرز و هاوسەرەکەی پێشووی کە لە دایکبووی ئێرانە، سام ئەسغەری، گەیشتوونەتە ڕێککەوتنی جیابوونەوە.


ئەم بڕیارە دوای نۆ مانگ لە جیابوونەوەیان دێت کە هاوسەرگیرییەکەیان ماوەی 14 مانگی خایاند و داواکاریی جیابوونەوەکەش لەلایەن ئەسغەرییەوە بووە.

بەپێی ئەو بەڵگەنامانەی دەست گۆڤارەکە کەوتووە، دوو هاوسەرەکە پابەندبوون بە مەرجەکانی ڕێکەوتنی پێش هاوسەرگیرییەکەیان و ئێستا نووسراوەکان چاوەڕێی واژۆی دادوەرن بۆ کۆتاییهێنان بە پڕۆسەی جیابوونەوەکە.

سەرچاوەیەک بە گۆڤارەکەی ڕاگەیاندووە: "تەڵاقەکە دۆستانە بووە و ڕێککەوتنی پێش هاوسەرگیرییەکە کێبڕکێی لەسەر نەبووە، بریتنی بەردەوامە لە نمایشکردنی ئازادی خۆی و دەچێتە پێشەوە".

دوای تۆمارکردنی داوای جیابوونەوە، ئەسغەری (30 ساڵ) بۆ یەکەمجار بە لێدوانێک لە سۆشیال میدیا باسی جیابوونەوەی لە سپێرز (42 ساڵ) کردەوە و نووسیویەتی: دوای شەش ساڵ خۆشەویستیی و پابەندبوون بە یەکتر، من و هاوسەرەکەم بڕیارماندا پێکەوە گەشتەکەمان کۆتایی پێبهێنین، ئێمە پابەند دەبین بە خۆشەویستی یو ڕێزگرتنەوە.

و: ئاکۆ ئاڵی