ئیسرائیل 25 فڕۆكەی ئێف 35 لە ئەمەریكا دەكڕێت

جیهان

05/06/2024‌ 354 جار خوێندراوه‌ته‌وه



وەزارەتی بەرگری ئیسرائیل ڕێكەوتنێكی لەگەڵ ئەمەریكا واژۆ كرد بۆ كڕینی 25 فڕۆكەی ئێف ٣٥.

بەگوێرەی ئەم گرێبەستە ئیسرائیل 25 فڕۆكەی ئێف 35 لە ئەمەریكا دەكڕێت و تا ساڵی 2028 رادەستی دەكرێن، بەجۆرێك  هەر ساڵێك پێنج فڕۆكەی رادەست دەكرێت.

گرێبەستەكە ٢٥ فڕۆكەی ئێف-٣٥ لەخۆدەگرێت، كە لەلایەن كۆمپانیای لۆكهید مارتنەوە دروستكراون، لەنێویاندا پرۆسەی چاككردن و نوێكردنەوە.

وەزارەتی بەرگری ئیسرائیل لە بەیاننامەیەكدا ڕایگەیاندووە: لەگەڵ تەواوبوونی گرێبەستەكە،   هێزی ئاسمانی ئیسرائیل كە لەپێشكەوتووترینەكانی جیهانە،  فراوان دەكرێت بۆ 75 فڕۆكەی هەرەپێشكەوتوو.

 لە بەیاننامەكەدا ئاماژە بەوە كراوە كە قەبارەی گرێبەستەكە بە نزیكەی ٣ ملیار دۆلار لە سندوقی یارمەتییەكانی ئەمەریكادا مەزەندە دەكرێت.