گرێنتیەکانی ئەمریکا بۆ کوردانی ڕۆژئاوا لە تەرازووی ژیریدا

گرێنتیەکانی ئەمریکا بۆ کوردانی ڕۆژئاوا لە تەرازووی ژیریدا

د.قارەمان شێخ بزێنی


774 جار خوێندراوه‌ته‌وه

ڕەنگە زۆرینەمان لە سەر ئەوە کۆک بین کە وڵاتە یەکگرتووەکانی ئەمریکا یەکێکە لەو دەوڵەتانەی بە دوای بەرژەوەندییەکانی وڵاتەکەی خۆیەوە وێڵە، بیرکردنەوە لە پاراستنی کوردانی ڕۆژئاوا لە هێرشی تورکەکان بابەتی ئەمرۆی ڕاگەیاندنەکانە و پەیوەستەگی بە بەرژەوەندیە ستراتیژیەکانی ئەمریکاوە هەیە.

دەپرسین ئایا ئەم گرێنتیە لە کوێی تەرازوی ژیریدا شوێنی خۆی دەکاتەوە، ئایا دەکرێت بەو پەیامانەی ئەمریکا باوەڕ بکەین؟ ئایا دەکرێت کورد جارێکی تر خۆی بخاتەوە ژێر کەین و بەینەکانی ئەمریکاو تورکیاوە؟ ئایا ئەمریکا جارێکی تریش دەسەڵاتدارێتی کورد لە ڕۆژئاوا هەراج ناکاتەوە و نایخاتەوە بازاری مزایەدە کردنەوە؟ ئایا ئەگەر تورکیا لە فشارەکانی بەردەوام بێت و هێزی ئەمریکی لە ڕۆژئاوادا نەمابێت، کورد بە چ شێوەیەک پارێزراو دەبێت؟ لە کاتێکدا هیچ بڕیارێک و بەڵگەنامەیەکی جیهانی بۆ پارێزگاری لە کوردەکانی ڕۆژئاوا بوونی نەبێت.

ئەوەی دەمەوێت لەم بابەتە جەختی لە سەر بکەمەوە ئەوەیە کە ئەمریکا هیچ گرێنتیەکی نیە و شایەنی باوەڕ پێکردن نیە، بۆیە نابێت دەسەڵاتدارێتی کوردانی ڕۆژئاوا بێخەم پاڵی لێ بدەنەوە و لایان وابێت ئەمریکا دەسەڵاتەکەیان لە ڕۆژ ئاوادا دەپارێزێت.

بۆیە پێویستە پاراستنی کوردانی ڕۆژئاوا بکرێتە پرۆژەیەکی نێو دەوڵەتی و بڕیاری پێ وەربگیرێت، ئەگیناباوەڕ کردن بە گرێنتیەتی پاراستنی کوردانی ڕۆژئاوا لۆژیکی نیە.

د.قارەمان شێخ بزێنی



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved