بە دوری نازانم ئەمرۆ لە بەغداد، نێچیرڤان بارزانی لەگەڵ عادل عەبدولمەهدی رێكبكەوێت لەسەر پرسی هەڵپەسێردراوی نەوت لە نێوان بەغداد و هەرێم و جێبەجێكردنی تەواوی ئەو بڕگەكانەی لە یاسای بودجەی عیراق بۆ ساڵی ٢٠١٩دا هاتوە و تایبەتن بەم پرسە لەنێوان هەرێم و بەغداددا.
هۆكارەكەشی بۆ ئەم خاڵانەی دەگەڕێنمەوە:
١- نێچیرڤان بارزانی، دەیەوێت پارێزگاری لە دەسەڵاتەكانی خۆی بكات، وەكو سەرۆكی هەرێم و بەتەنها خۆی وەك كارەكتەری یەكەمی دەسەڵاتداری هەرێم دەربكەوێت.
٢- ناچارە هەنگاو بۆ ئەوە هەلبێنێ و دەیشیەوێت دۆسێی فرۆشتنی نەوتی هەرێم و بڕیاردانیش لە رادەستكردنی بەشێكی ئەو نەوتە (رۆژانە ٢٥٠ هەزار بەرمیل) بە بەغداد، لە دەستی خۆیدا بێت، نەك سەرۆكی كابینەی داهاتوی حكومەتی هەرێم یەكلایبكاتەوە.
٣- زیادبونی فشارەكان لە بەغدادەوە (بەتایبەتی لەناو پەرلەمانەوە)، بۆ ئەوەی هەرێم رۆژانە ئەو بڕە نەوتە رادەستی بەغداد بكات و یاسای بودجەی ساڵی ٢٠١٩ی عیراق جێبەجێبكات.
٤- نێچیرڤان بارزانی، دەیەویت خۆی ببێتە ئەندازیاری چاەەسەركردنی ئەم قەیرانە دروستكراوەی سەردەمی كابینەكەی، نەك كابینەی دوای خۆی چارەسەری بكات و ببێتە دەسكەوت بۆ كابینەی داهاتوی حكومەتی هەرێم.
مەم بورهان قانع
ئەم وتارە دەربڕی بۆچونی نووسەر خۆیەتی