پێمان خۆش بێت یان نا یەكێتی ڕۆژێك لە رۆژان بناغەی حكومرانی ھەرێم بوە و لەدۆخی پر مەترسی باشور توانیویەتی پارێزگاری لە مانەوە و لەناوچون بكات ، گەلێك حزب ھەبون كە پێگەی جەماوەری و ھێزی كاریگەر بون لە رۆژگارێكدا ، بەڵام ئێستا چاویان لە پارتی یە خێری كورسیەكی پەرلەمان و وەزارەتێكیان پێبكات ، یەكێتی دوو قۆناغی سەختی بڕی كە قۆناغی پێش رەپەرین و شاخ و دووەم قۆناغی دوایی ڕاپەرین كە سێ ھەنگاوی پر مەترسی بوون بۆیی ئەویش شەری براكوژی و پرۆسەی ئازادی عێراق و ئەو جیابونەوانەی كە تا ئێستاش یەكێتی نە ھێنایەوە سەرخۆی و پشتی شكاند ، قۆناغی ئێستایی یەكێتی پر مەترسیترینن كە بەبێ رەوان شاد (مام جلال )یەكێتی رووبەرووی سەدان كێشەو قەیران بۆتەوە كە بەشێكی لە چەند خاڵێكدا دەخەمە روو :-
یەكەم:- نەبوونی مەركەزیەت لە بڕیار بەھۆكاری ئەوەی كە دەبێت كۆنگرە بكرێت بیانونی نابەجێن ئەگینا مام جەلال دوو ساڵە ماڵئاوایی لێكردون و ھەر لەكاتی نەخۆشكەوتنی (مام ) پارتی ،یەكێتی لە لەزۆربەی بریارەگرینگەكانی عێراق و ھەرێم خستۆتە دەرەوە بەشداری یەكێتی تەنھا شكڵی بوە.
دووەم :- ململانێی شكاندنی باڵەكان ھیندە قەیزەون بوە كار گەیشتۆتە دروست كردنی گرتە ڤیدۆی ئابروبەرانە بۆ شكاندنی یەكتر ، ھۆكارەكەشی بۆ نەبونی پێشنەی خەباتی ھەندێك كەس كە لەئێستادا پارەو ھێزیان لەبەر دەستەو دەیانەوێت ھەندێك لە سەركردەكانی ناو یەكێتی بە دروستكردنی گرتەی جۆراو جۆر چاوترسان و بێدەنگ بكەن لەو دۆخەی كە یەكێتی تێدایە.
سێ یەم :- یەكێتی ھیندەی دیكە بچوك و عەیب دار بوو كە بێ دەنگدان و كۆنگرە و كۆنفرانس ھەر یەك لە پاڤێڵ تاڵەبانی و لاھور تاڵەبانی و شڵاو كۆسرەت بە پشتگیری كاك كۆسرەت و ھێرۆخان و بێ گوێدانە دسپلینی حزبی و پرس و رایی ئەندامانی مەكتەبی سیاسی بەشداری كۆبونەوەكانی مەكتەبی سیاسی و بریارەگرینگەكانیان پێدەكرێت كە پێچەوانەی ئەو بانگەشەیە كە (مام )نیوسەدە بانگی بۆدا؟!!
چوارەم :- فرە لێدوان و فرە ھێزو ئەو فرە مینبەرەیەی یەكێتی وایكردوە ھێزە بەرامبەرەكان نەتوانن ئاسان پەیوەندییەكانیان لەگەڵ یەكێتی ببەستن و درێژە پێبدەن ، بۆ نمونە وەفدێك یان كونسول یان باڵیوزی وڵاتێك لە عێراق ئەگەر سەردان بۆ سڵێمانی ئەنجامبدات پێویستە شەش بارەگایی یەكێتی بەسەر بكاتەوە ، كە لەھیچ حزب و شوێنێكی دونیا شتی وا نی یە و نەبوە.
پێنجەم :- بانگشە و بەرنامە بێ بەرھەمەكانی یەكێتی لە ھەڵبژاردن و لاوازی لە حكومەت وایی كردوە كە رۆژ لەدوایی رۆژ یەكێتی پێگەی جەماوەری لاواز بێت، لاوازی ھەڵوێستی یەكێتی و ئەو كێشانەی لەخاڵەكانی پێشوتر ئاماژەم بۆ كرد وایكردوە ، پارتی قوباد تاڵەبانی بخاتە گۆشەیەكی سنوردار و بێ بەرھەم ، بۆ ھەڵبژاردنی داھاتوو یەكێتی چی چاندوە تا بیدروێتەوە؟؟! یەكێتی لە پرسی كەركوكەوە تا دەگاتە پركردنەوەی پۆستەكانی حكومەت وەرەقەكانی یەك لە دوایی یەك دەدۆرێنێت لەبەرامبەر پارتی ؟!!
شەشەم :- پەیامی راگەیاندنی یەكێتی ھیندە لاوازە لە ئاست پرسەكان ،تەنانەت ناتوانێت پەیامی حزبەكەشی بە باشی بگەینێتە شەقام وخراپترین میدیایی ھەیە و سەرەرایی خراپی دۆخی ئابوری میدیاییەكانی حزبی وەك گەڵی كوردستان و كوردساتەكان و كەركوك و بادینان و ئەوانی دیكە كە سەربە مەكتەبی ناوەندی راگەیاندنی یەكێتین ، ھەندێك لەو دەزگایانە پارەی موچەی چەند مانگێكی كارمەندانی پێنەدراوە!!؟ لەكاتێكدا پارتی ٤٢ كاناڵی ئاسمانی و لۆكاڵی سێبەر و حزبی سەرتاسەری ھەیە بێ ھیچ گرفێكی ماددی ؟؟! ئایایە یەكێتی پارەی دابینكردنی میدیاكانی نی یە؟ ئەی پارەی كۆمپانیاكانی نۆكان و پرۆژەكانی دروات بۆ كوێ ؟ كە لەئاستی نێودەوڵەتی بازرگانی دەكات !! پارتی لەرێگایی ئەو كەناڵانەوە ھەلی كاری بۆ سەدان گەنج و میدیاكاری باش رەخساندوە ، توانیویەتی رایی گشتی لەسەر چەندین پرس دروست بكات ، پێچەوانەكەی یەكێتی سەدان كادیرو رۆژنامەنوسی راگەیاندنەكانی دەرپەراندوە یان ناچار بەوازھێنانی پێكردون لەبەر بێ خاوەنی .!!؟
حەوتەم :- رێكستنەكانی یەكێتی تاوەكو ئێستا بە عەقڵیەتی شاخ و لەسەر ھەگبەی پیرەكان ھۆتاف دەڵێتەوە كە ھیچ نوێبونەوە و نوێگەری و پێشكەوتنێكی لەسەر بنەمایی خوێنی نوێ و كەسی نوێ بەدی ناكرێت بەم جۆرەش یەكێتی ھەر لە بارەگاكانی دەمێنێتەوە و ناتوانێت بروات بۆ ناو خەڵك، ئەندامانی یەكێتی تاوەكو ئێستاش ھەست بە پەراوێز و نامۆ دەكات لەسنوری دەسەلاتی پارتی وگرفیان لەچەندین شوێن بۆ دروست دەبێت بەتایبەت لەدام و دەزگاكانی دەوڵەت.
ھەشتەم : - یەكێتی تاوەكو ئێستا چاپۆشی لەگەندەڵی و گەندەڵكاران كردوە و ھیچ ھیزێك نی یە لەناو یەكێتی رووبەرووی گەندەڵی بوبێتەوە لەكاتیكدا سەدان بەرپرسی یەكێتی دۆسیەیی گەندڵیان ھەیە و تۆمەتبارن بەھەدەردانی سامانی گشتی و دزینی موڵك و ماڵی خەلك ، وە بنەمایی سزاو پاداشتی جێ بەجێ نەكردوە، ھۆكارەكەشی بۆ داڵدەدانیان لەلایەن تەكەتول و دابەش بونیان بەسەر گروپ دەگەرێتەوە ، تەنانەت رێگری لە دادگاش دەكرێت لەحاڵەتی بونی سكاڵا یان دۆسیە، ئەمەش دەبێتە ھۆكاری زیاد بونی رۆتین و لاوازی لە بریاری لێپێچینەوە ،كام بەرپرسی یەكێتی ھەیە خاوەنی یەك ملێۆن دۆلار نەبێت ؟؟؟!!
نۆییەم :-لەپرسی كۆنگرە و كۆنفراسەكان ھیچ خوێنی نوێ و كەسی نوێ بەدێ ناكرێت ، مەبەستمان لە خوێنی نوێ مەبەستم ئەو گەنج و تێكۆشەرانەیە كە خواستی ئێستایی شەقام بن و خاوەن ئیرادەو بۆچونی خۆیان بن كەسی سیاسی و خوێندەوار و بەئاگابن و دەستەمۆی ئەم و ئەو نەبن و خاوەن رابردووی پاك و توانایی گۆرانكاریان ھەبێت و خۆرەوشت و ئاكاری جوانیان لەناو خەلك جێگایی رێز بن و لەئازاری خەڵك وكۆمەڵگاتێبگەن... بە پێچەوانەوە لەیەكەم ھەنگاو دا ئەوانە زۆرینەبون كە لەنێوباڵ و تەكتولەتەقلیدیەكان دەرفەتی ھاتنە پێشەوەیان بۆ رەخسا لەو دیویش بۆ چەند بەڵێن و رێك پارە دەست بەرداری ھەر شتێك دەبێت..
دەییەم :- یەكێتی پێشتر خاوەنی بیر و ئاید
ئایدیای پێشكەوتنخوازانە بوو كەچی ئێستا بووەتە پاشكۆ، لەوەدا پاشەكشێی كردووە كە ببێتە پێشەنگ و جولێنەری كۆمەڵگا و تەوژم و تەكان بە كۆمەڵگا بدات ھەروەك پێشبینی بۆ رووداوەكان نیە بۆیە كە پێشھاتێك روو دەدات ئەوسا دەیەوێ قسەی هەبێت و بەمەش وای لێهاتووە كە هیچ پرۆژەیەكی پێشوەختەی بۆ رووداوەكان نەبێت، دەرەنجام پاشەكشەی سیاسی لێكەوتۆتەوە.
یەكێتی تاوەكو دۆخی خۆی راست و سەقامگیر نەكات و بەگرینگەوە خۆیی نوێنەكاتەوە وەك حزبێكی تۆتالیتار دەمێنێتەوە كەدواجار بەرھەمی ئەو ھەموو قوربانیە لەسەر دەستی ئەوانەی بەرپرسن لە دۆخی یەكێتی بەئاودادروات ودەپوكێتەوە.جاك ما كە بەپیاوە بە ئەزمونەكە ناسراوە قسەیەكی ھەیە و دەڵێت كە گەیشتی بە ٥٠ بۆ ٦٠ ساڵ پشت بەگەنجەكان ببەستە و بواری كاركردنیان پێبدە و كە گەیشتی یە ٦٠ ساڵ ھەوڵبدە پشوبدە ، بەڵام سیاسی یەكانی ئێرە پێچەوانەكەی نە لە ناوحكومەت پشودەدەن نە لەناو حزبیش ، ھەمیشە چاوچنۆكە بۆ دەسەڵات و پۆست ؟؟!
ئەم وتارە دەربڕی بۆچونی نووسەر خۆیەتی