نامەوێت بە هەڵوێستێكی قەدەرگەرایی بابەتەكە تاوتوێ بكەم بەڵكو دەمەوێت جەخت لەسەر یٔەو خاڵانە بكەمەوە تا یٔەو هەڵەو كێشە ڕیشەییانە تێپەڕ نەكرێت كە ٣٠ ساڵە دو بنەماڵەی دەسەڵاتدار بەسەر یٔەم خاك و گەلەدا هێناویانە، مۆدێلی سیاسی هەرێمی كوردستان مۆدێلێكی ستونییە كە بۆتە هۆی دروستكردنی دەسەڵاتێكی خۆسەپێن بەسەر چین وتوێژەكانی كۆمەڵگادا كە مۆدێلێكی درێژكراوەی چەقبەستوی حیزب و بنەماڵە سیاسییەكانە كە وەڵامدەرەوەی خواستی كۆمەڵگا نییەوهەرلەسەرەتاوە بەپێی خواستی چینی باڵای نێو كۆمەڵگای كوردی دروست بوون بەدرێژایی مێژووی حكومڕانی پارتی و یەكێتی هەمیشە خەریكی موزایەدە كردن بون بەناوی یٔابوری سەربەخۆوە كە دەرەنجامەكەیمان بینی چ نەهامەتییەكی بۆ هاوڵاتیان هێنا بۆیە سەربەخۆی یٔابوری وسیاسی بە سودی گشتی لەژێر دەستی یٔەم دو دەسەڵاتە كلیپتۆكراتییە یٔەستەمە بێتە بوون.
یٔێستا كە پرسی چاكسازی لە نێواندایە پێویستە بپرسین نەوت بە چ شێوەیەك دەفرۆشرێت و داهاتەكەی دەچێتە خەزێنەی حكومەتەوە یان خەزێنەی یٔەو سیاسییانەی كە دەرهێنان و فرۆشتنی نەوتیان لەنێوان خۆیان قۆرخ كردوە تاڵانیان كردوە و دۆسییەی نەوتیان هێندەی دیكە ناڕۆشن كردوە بۆیە سەرەتای چاكسازی راستەقینە دەرخستنی راستی گرێبەستە نەوتییەكانە بەتایبەتی گرێبەستە ٥٠ ساڵەییەكەی هەرێم و توركیا كە جگە لە چەند كەسانێكی نێو بنەماڵەی بارزانی كەسی دیكە لێی یٔاگادار نین و تەنانەت حیزبەكانی دەرەوەی پارتیش تا یٔێستا جوریٔەتی یٔەوەیان نییە لەو گرێبەستە بپرسنەوە كە بۆتە هۆكاری كێشەكانی هەولێر وبەغدا ،یٔەم تاڵانی فرۆشییەی نەوت لە لایەن پارتی و یەكێتییەوە تا یٔێستا لەپێناو دروستكردنی دامەزراوەكانی هەژمونگەری خۆیان بوە نەوەك بنیادنانی سیستەمێكی حكومڕانی تەكنۆكرات كە دواجار هاوڵاتیان لێی سودمەند بن بە گشتی .
چاكسازی سەرەتا بەگەڕانەوەی یٔەو هەموە پارانە یٔەكرێت كەلە بانكەكانی دەرەوە خراوەتەوە سەر هەژمارە تایبەتیەكانی خۆتان چاكسازی سەرەتا بەگەڕانەوەی یٔەو هەموە لە گرد و تەپۆلكەو هاوینەهەوارانە دەكرێت كەلەلایە حیزبەكەی بەرێزت و حیزبەكانی دیكەوە دەستی بەسەردا گیراوە چاكسازی راستەقینە لەوێوە دەست پێ یٔەكات نەوەك دەست بردن بۆ گیرفانی موچەخۆران و كەم یٔەندامانی یٔەم هەرێمە كە هەمیشە باجی شكستی سیاسەتی یٔابوری یٔێوەی داوە ،چاكسازی یان هەڵگرتنی شمشێری چاكسازی هونەر و عەقڵییەتێكی سیاسی وای دەوێت كە توانای هێنانەكایەی سیستەمێكی سیاسی ویٔابوری سەقامگیر و خۆشگوزەرانی پێ بێت لە پێناوپاراستنی ماف و یٔازادی هاوڵاتیان و پاراستنی یٔاسایشی گشتی و سەقامگیری كۆمەڵگا .
چاكسازی راستەقینە كاتێك یٔەبێت كە شمشێرەكەی برا گەورە ژەنگی هەڵنەگرتبێ و لە نێو حیزب و خێزانەكەی خۆیەوە دەست پێ بكات چونكە دەستپێكردن لەوێوە دەرەنجامێكی باشتری یٔەبێت و پرۆسەی چاكسازییەكەش ڕەوانترو گەورەتر یٔەكات لەوێشەوە تاكەكەسەكان یٔەتوانن لە ڕێگەی سیستەمێك لە مافەكانەوە بەرمەبنای ژیانی ژیانی سیاسی و یٔابوریان پارێزراو بێت .
ئەم وتارە دەربڕی بۆچونی نووسەر خۆیەتی