ئەم دەسەلاتە، ھەر رۆژەی خەلك بەسینارێۆو بابەتێكەوەسەرقاڵ دەكەن، لەمەلاعلی كەلەكەوە بۆ كاركتەرە دروستكراوەكانی ناو تۆرە كۆمەلایەتیەكان ، تادەگاتە تەخوینكردن و بەخائین ناساندن و بەكارھێنانی دادگا لەدژی رۆژنامەنوسان و نوسەران ،
ئەم دەسەڵاتە دەزانێت خەلك چۆن تورەبكات ،شارەزای ئەم خەلكەن كە چۆن سەرقاڵدەكرێت ، دەشزانن ئەم میلەتە بەچی تووشی هەناسە توندی دەبێت ، ئاخر لەكاتێكی واھەستیار و لەم بەرە جەژنانەدا كەخەلك لەوپەری ھەژاری وبرسێتیدایە ،لە بری فایلی گەندەڵی و تاڵانكردنی ئەم ھەرێمە ھەڵدەنەوە دێن و باسی فایلی گەندەڵیەكانی زەمەن و رۆژگای"عوسمانی كوڕی عەفان "دەكەن،بەبەرنامەو شارەزایانە كۆبوونەوەی پەرلەمان و رایگشتی لەم كاتەھەستایارەدا بەلاڕێدا دەبەن ،بەم سینارێۆیە نەبوونی مووچەو دیار نەمانی پارەی نەوت و تاڵانكردنی داهاتی گومرك و داھاتەكانی ناوخۆ لەبیرخەلك و رای گشتیش دەبەنەوە.
ئەمرۆ وەزیری دارایی لەپەرلەمان قسەكانی ئاشتی ھەورامی دووبارە كردەوەو ووتی :نەوت نرخەكەشی بگاتە "١٠٠" دۆلاریش ئەگەر بەغدا بودجەمان بۆ نەنێرێت، ناتوانین مووچە دابەش بكەین .
لەباتی لێپرسینەوەو بەدواداچون بۆدۆسێی نەوتو سەندنەوەی متمانە لەو كەسانەی ئەم ھەرێمەیان بەم دۆخەگەیاندووە
دێن باسی گەندەڵی سەردەموو رۆژگاری خەلیفەیەكی موسلمانان بە مێژوو بنەماڵە و عەشیرەتەكەیەوە دەھێننە ناو هۆڵی پەرلەمان بۆئەوەی ئەو هەموو گەندەڵی و قۆڵبڕین و بێ مافی و ھەژاریی و بێكارییە لە بیری خەلك ببەنەوە.
لەبری لێپرسینەوە دادگایكردنی سەرانی حكومەتێكی شكستخواردوو ،عوسمانی كوری عەفان دادگای دەكەن و پەلاماری ھەست وسۆزی ئەو خەلكە ئەدەن
وەك ئەوەی ، خەلیفە،داھاتی نەوت وگومرگ و ناو خۆی تالان كردبێت.
پێویست بوو ئەمرۆ پەرلەمان پرسیاریان لەدۆسێ و گرێبەستی پەنجا ساڵەی نەوت لەگەل ئەردۆگان بكردایە ، بەدواداچوونیان بۆ پێنەدانی مووچەی فەرمانبەران بكردایە ، بیان پرسیایە ئەی كوا ئەو ھەموو داهاتەی نەوت ،ناوخۆ،كشتوكاڵ، گەشتیاری، ئەو باجو سەرانەی لەو خەلكەی وەردەگرن .
ئەمرۆ پەرلەمانتارانی پارتی زۆر لێزانانە، بیرو ھزری كۆمەلگاو رای شەقام و تۆرەكۆمەلایەتیەكانیان لەسەر ئەوھەموو گەندەڵی و بەتاڵانبردنی سامانی نەوتە،لەسەر حكومەتەكەیان لابردوخستیانە سەر ملی عوسمانی كوری عەفان.
ئاخر لەم سەردەموو رۆژگاری كۆرۆنایەدا ،خەڵك بێ كارەبایە،بێ مووچەیە ، بێ ئاوە ،ژیان و گوزەرانی لەوپەڕی دژواریدایە ،هەموو ئەوانە چی پەیوەندییەكی بەعوسمانی كوری عەفانەوەھەیە...
گەر بەرنامەو پلانی پێشوەختە نەبێت ، چ پێوێست بوو لەم كاتو ساتەی كۆبوونەی پەرلەمان لەسەر گوزەران و ژیانی خەلك ،گەندەڵ بوون یان دادگەر بوونی عوسمانی كوری عەفان بكرێتە بابەتی پەرلەمان و رای گشی .
ئاسۆ عوسمان
ئاسۆ عوسمان
ئەم وتارە دەربڕی بۆچونی نووسەر خۆیەتی