لە پڕ هات و لە ناکاوچوو!!

17/02/2021

مەجید سالح

رەجەب تەیب ئەردۆغان هەمیشە دەڵێ "شەوێک لە پڕێکدا دێین..." هەموو ئەو لە پڕ هاتنانەشی بۆ سەر کوردستان بووە!! و بۆ هەر هاتنێکیشی لە پێشدا رای گشتی تورک دەوروژێنێت بە ئاراستەی خۆشکردنی هەلگیرسانی ئاگری رق و قینی جەماوەر تورک کە سەرکێشە لە هەر چییە کە ناوی کوردە.. لەوەدا دوو سود دەبینی:
١. زەمینەسازی بۆ سازش کردن بۆ وڵاتێکی دیکە و دور خستنەوەی چاوی خەڵک لەو سازشە.
2. ئامادە سازی بۆ هەڵبژاردنەکانی ئایندە کە ئێستا دۆخی حزبەکەی لەوپەڕی خراپیدایە.
ئەم جارەش لە پڕ سوپاکەی نارد بۆ چیای گارا.. بۆ دوو شت:

 یەکەم: بەتەمای سەرکەوتنێکی نەوعی بوو بۆ وەدەست هێنانەوەی دەنگە لە دەست چووەکانی لە ناو شەقامی ناسیۆنالیستە فاشییەکانی تورک (گورگە بۆرەکان)..
دووەم: بۆ دوورخستنی چاوی شەقامی ئیسلامی لەسەر ئەو هەنگاوە خێرایانەی بە ئاراستەی تەتبیع کردن لەگەل ئیسرائیل دا دەینێ..

بەڵام کە لە گارا توشی شکست هات، خۆی و دەوڵەت باخچەلی هاوبیر و هاوپەیمانی، کەسیان نەدۆزییەوە شکستی سوپاکەیانی پێ پەردەپۆش بکەن، سێ رۆژە دەوڵەتی تورک، تەنانەت ئۆپۆزسیۆنەکانی دژ بە ئەردۆغانیش، ئەم پۆرت شکانەی سوپا لە گارا دەخەنە گەردنی HDP و دەستیان کردوە بە رەش بگیریەکی کەم وێنە لە ناو کادر و هەوادارانی ئەو حزبە.. گوایە بەو کارە ریشەی تیرۆر لە بن دەر دێنن، ئەتاتۆرک بەم خەونی ریشەکێش کردنەوە چوە گۆڕەوە و لە دوای ئەویش چەندین جنرال و سیاسەتمەداری تری تورک هاتن و هەمان خەویان بینی، لە پڕ هاتن و لە ناکاو بەرەو (اسفل السافلین) چوون...