عومەر مەحمود

ـــــــــــــــــــــــــــــــــــــــــــــــــــــــ
دوکتۆر ( أَدهَــم بُطرُس غالي ) دەڵێ عەرەب  گاڵتەجاڕی هەموو جیــهانن :

هاووڵاتی ئیماراتی بازێک  دەکڕێ بە ( ١٣٥٫٠٠٠ ) دۆلار ( ١٣٫٥) دەفتەر ، بۆ ئەوەی ڕاوی کەروێشکێکی پێبکات بایی(  ٢ ) دۆلارە .

هاووڵاتییەکی قەتەری ئایفۆنێکی مۆدێل نوێ دەکڕێ بە(۱۳۷٫۰۰۰)  دۆلار ( ١٣٫٧) دەفتەر بەمەرجێک ئەو یەکەم کەس بێت لە کەنداو  بەدەستی دەگات .
بزنسمانی قەتەری (ناصـر الخلیفی ) بڕی  ( ٥١٢ ) ملیۆن دۆلار(٥١٢٠٠) دەفتەر دەدا بۆ گواستنەوەی (نیمار) بۆ یانەی ( سانجیرمان ) تەنها لەڕقی بەرشلۆنە .
( کریستیانـۆ ڕوناڵدۆ) پێڵاوەکەی کردە دیاری بۆ کۆمەڵەیەکی خێرخوازی .
کاتێک کۆمەڵەکە  خستیەڕوو‌ بـۆ فرۆشتن ، دەوڵەمەندێکی کەنداو بە ( ٩ )ملیۆن  دۆلار کڕی .
(کریستیانۆڕۆناڵدۆ) ناوبانگی پێ بەدەستهێناو کۆمەڵە خێرخوازیەکەش ( ٩ ) ملیۆن دۆلارو دەوڵەمەندە کەنداویەکەش جوتـێ پێڵاو .
شێخێکی هۆزێکی قەتەری بەڵێنیدا لەڕۆژی هاوسەرگیری کوڕەکەیدا ( ٥٠ ) وشــتر سەرببڕێ .
هەرواشیکرد و ( ٥٠ ) وشتری سەربڕی .
گۆشت وشتر ئامادەکرا .
 خێوەت هەڵدار بۆ بانگهێشتکراونی ئاهەنگەکە کە ژمارەیان ( ٢٥٠ ) کەس بوو .
هەر بۆ زانیاری وشترێک بەشی ژەمێک خواردنی ( ٥٠ ) کەس دەکات .
 دوای تەواوبونی ئاهەنگەکە ( ٣ ) بلـدۆزەریان هێنا ، بۆ ژێرگڵ خستنی گۆشت وشترو شاردنەوەی .
سـعودیەو ئیمارات ، چەندین ملیار دۆلاریان دا بەئەمریکا بۆ ئەوەی لەگەمارۆکانی سەر قەتەر پشتیوانییان بکات . قەتەریش چەندین ملیار دۆلاری دا بە ئەمریکا بـۆ ئەوەی گەمارۆکانی لەسەر سـوک بکات .
سعودیەو ئیمارات چەندین ملیار دۆلاریان دا بە تـڕامپ بۆ ئەوەی  لێدوان بدا کە قەتەر پشتیوانی لە تیـرۆر دەکا .
قەتەر چەندین ملیار دۆلاری دا بە وەزیری دەرەوەی ئەمریکا ، بۆ ئەوەی دژی لێدوانەکەی تـڕەمپ ، لێدوان لەسـەر قەتەر بدا .
 سعودیەو ئیماڕات پارەی زیاتریان دا بە ئەمریکا بۆ ئەوەی گومانی خۆی پیشان بدا دەرباڕەی سودی مانەوەی بنکەی سەربازی ئەمریکا لە قەتەر  .
 قەتەریش پارەی زیاتری دا بۆ کڕینی فڕۆکە لەئەمریکاو ئەنجامدانی مانۆڕی سەربازی هاوبەش لە گەڵ ئەمریکا .
دیسان  سعودیەو ئیمارات پارەی زۆریان دا بەئەمریکا بۆ ئەوەی چاودابخا لەبەرامبەر گەمارۆی سـەر قەتەر . قەتەریش پارەی زۆرتری دا بە ئەمریکا بۆ دەربڕینی نیگەرانی خۆی دەربارەی گەمارۆی سەر قەتەر .
زیاکردنی ئاشــکرا لە لایەن وشـترەوانەکان بەردەوامە لەسەر ئەوەی کـێ زیاتر دەدا بەکاوبۆکانی  ئەمریکا .
خۆ بەخۆڕایی نیە ( المتنبی ) پێیان دەڵێ :

اغــاية الدين ان تحفـــــوا شواربكم يا امة ضحكـت من جهلهــا الامــــم
ــــــــــــــــــــــــــــــــــــــــــــــــــــــــ

ئەم وتارە دەربڕی بۆچونی نووسەر خۆیەتی