لەگەڵ دەستپێكردنی هێرشەكانی داعش بۆ سەر شەنگال و هەرێمی
كوردستان، هاوپەیمانی نێودەوڵەتی بۆ رووبەڕوبونەوەی داعش، چەكی دایە هێزی پێشمەرگەی
كوردستان، ئەم كارە توركیاو ئێران و عێراق و سوریای شێت كرد. رۆژنامەی گاردیانی
ئينگليز راپۆرتێكی بڵاوكردەوەو نوسیبوی كە پڕ چەك كردنی كورد بۆتە هەڕەشەیەكی گەورە
لەسەر ئەم دەوڵەتانەو لەوكاتەوە هەتا ئێستا هەزاران یادداشتیان داوەتە ئەمریكا و ئەوروپاو
هاوپەیمانی نێودەوڵەتی بۆ وەرگرتنەوەی چەك لە كورد. پێیان وایە ئاسایشی نەتەوەییان
بەهۆی چەكداركردنی كورد هەڕەشەی لەسەرە. ده‌یان جار ده‌یانگوت: مه‌ترسی چه‌كداركردنی
كورد مه‌ترسیدارتره له داعش..
بۆیە هەمیشە لە دەرفەتێك دەگەڕێن بۆ ئەوەی زەبری توند لە
كورد بدەن..تۆش هاتووی هاوكاریان دەكەیت، چونكە كە تەقەت لە رۆژنامەنوس كردو وشەو
نوسین و یاسات سوك كرد، هه‌ر پێنج ساڵ پێنج ساڵ چالاكوانت زیندانی كرد, كە بە چەك
و جبەخانە رووبەڕوی ئۆپۆزسیۆن بویتەوە، كە دیموكراسی و پەرلەمان و هەڵبژاردن و
ئازادی را دەربڕینت سوك و چروك كرد.. تۆ كە بەس عەقڵ و هۆشت لای شەق و پارە بێت و
نەخۆشی تڕەمپت گرتووە. قسەی ئەم دەوڵەتانە سەردەكەوێت و دەڵێن فەرمون ئێمە پێمان
گوتن ئەمانە پیاوی دەوڵەت و دیموكراسی و پەرلەمان و ئازادی و یاسا پارێزی نین، بۆیە
ئەمانە هۆزو گروپی چەكدارن و نابێت چەكی ناتۆو هاوپەیمانی نێودەوڵەتیان لە لا بێت.
ئەگەر ئۆپۆزسیۆنی میدیایی و یاسایی و سیاسی نەمێنێت، دڵنیابن ئیتلاعات و میت و ئیستخباراتی
عێراقیش كۆمەكی دروستبوونی ئۆپۆزسیۆنی چەكداری دەكەن؟؟؟. گرنگ ئەوەیە چەكەكانت پێ
بتەقێنن و لەبەر دەستت دەریبێنن، ئینجا لە رێگای ئۆپۆزسیۆنی چەكداری ناوخۆیش بێت،
ئەوا بە بەردێك دە چۆلەكە دەكوژن؟؟. ئینجا ئێوە هەر مەستی كورسی و هێزو دۆلار بن و
گوێ بە سیاسەت و دیموكراسی و ئازادی مەدەن.؟؟.
ئەم وتارە دەربڕی بۆچونی نووسەر خۆیەتی