شارپرێس:
ئەنجومەنی سەربەخۆی مامۆستایانی ناڕازی رایدەگەیەنێت،"ڕۆژی (25 /6) خۆپیشاندانی سەرتاسەری لەشاری سلێمانیەوە دەست پێدەکات دژی حکومەتی هەرێم کەسیاسەتی برسیکردن و چەوساندنەوەی هاوڵاتیان پەیڕەودەکات."
لەبەیاننامەیەكدا ئەنجومەنی مامۆستایانی نارازی ئاماژەی بەوەكردووە،"کاسبکاران و فەرمانبەران و مامۆستایان سەرجەم چین و توێژە جیاوازەکان ئاگاداردەکەین کەڕۆژی (25 /6) خۆپیشاندانی سەرتاسەری لەشاری سلێمانیەوە دەستپێدەکات دژی حکومەتی هەرێم کەسیاسەتی برسیکردن و چەوساندنەوەی هاوڵاتیان پەیڕەودەکات."
باسیان لەوەشكردووە،"بەهۆی نائامادەیی و نەبونی دامەزراوەی حکومی، هۆشداری توند دەدەینە حیزبە بەشدار و خاوەن دەسەڵاتەکانی هەرێم کەئەمجارە ناڕەزایەتیەکان بەرۆکی حیزبەکانیان دەگرێتەوە.
ئەنجومەنی مامۆستایانی ناڕازی ئەوەشیخستەڕوو،"حیزبە سیاسیەکانی دەرەوەی دەسەڵات کەخۆیان بە ئۆپۆزسیۆن و بەرەی خەڵک دەزانن دەخەینە ژێر بەرپرسیاریەتیەکی ئەخلاقی و نیشتمانیەوە کە چیتر ئەو زوڵم و ستەمەی دەسەڵات لە هاوڵاتیان و موچەخۆران و لایەنگرانی حیزبەکانیان دەیکات قبوڵنەکەن."
دەشڵێن ،"داوا لەسەرجەم توێژەکان و سەندیکاو ڕێکخراوەکان و هێزەکانی ناوخۆ و تەندروستکاران دەکەین کەپشتیوان و بەشداربن لەم خەباتە مەدەنیە .
لەبارەی شوێنی خۆپیشاندانەكە رایانگەیاندوە،"ڕۆژی (24 /6) شوێن و کاتژمێری دەستپێکی خۆپیشاندان ڕادەگەیەنین."داواشیكردوە كە بەشداربوان پاپەندی خۆپارێزیە تەندروستیەکان بن و دەمامک و دەستکێش بەكاربهێنن.