ئیبراهیم فەرەج

‎ئەم چەمكە كە لەپەیامی ئۆ_جا_لان.بۆ كۆنگرەی دوانزەی پە_كە_كە  خراوەتە ڕوو .
‎ دەبێتە پارادایمی فەلسەفەی نەتەوەی دیموكراتیك.
‎نەتەوەی دموكراتیك ئەلتەرناتیفە بۆ دەوڵەت نەتەوە.
‎سۆسیالیزمی كۆمەڵگەی دیموكراتیك  دەبێتە ئەلتەرناتیف بۆ  ریال سۆسیالزم (سۆسیالیزمی بونیاد نراو).
‎ئۆجالان دەڵێت   (دەمێك بوو دەمانزانی ئەم سۆسیالیزمە ی دەوڵەت نەتەوەی سۆڤێت. وەڵام دەرەوەی بارودۆخەكە نییە .چونكە ئازادی و دیمو كراتی فەرامۆش كردووە،بەڵام ئەلتەرناتیفمان نەبوو.نەماندەزانی چۆن خۆمانی لێ ڕزگار بكەین ،ئەم دۆخە لەساڵی ۱۹۹٠ تا ۲٠٠٠ خایاند)
‎لەقۆناغی ئیمرالی   ئۆجا_لان چەندین كتێبی گرنگی نووسی لەنێوانیاندا لەپێنج بەرگدا  مانفیستۆی شارستانی دیموكراتی نووسی.لەوێدا  فەلسەفەی ئۆجالان  لەدایك دەبێت.مۆدێرنیتەی دیموكراتیك دەبێتە  دژە تێزی(ئەنتی تێز)ی مۆدێرنیتەی سەرمایەداری.
‎سۆسیالیزمی كۆمەڵگەی دیموكراتیك .دەبێتە ئەنتی تێزی لیبرالیزم و هەموو ئایدیۆلۆژیا باوەكانی سەردەم.
‎هەتا لەسۆسیال دیموكراتی وڵاتانی ئەسكەندنافیش ناچێت.چونكە ئەم سۆسیالیزمە  ئابوری كۆمیناڵی دیموكراتی و ئیكۆ ئابوری و پیشەسازی ئیكۆلۆژی (ژینگە پارێز) بنەماكەیەتی .
‎سۆسیالیزمێكی كۆمەڵگاییە تێپەڕاندنی. لیبرالیزمی تاكگەراییە.
‎سۆسیالیزم  بەبێ چەمكەكانی ئازادی،دیموكراتی،یەكسانی،دادپەروەری ،ژینگە پارێزی ،ژنۆلۆژی ،بەبێ كۆمەڵگەی ئازادو دیموكراتیك. هیچ نابێت جگە لە  وشەیەك.  ناتوانێت خزمەت بەكۆمەڵگە بكات.دەبێتە بارێكی گران بۆسەرشانی.  كۆمەڵگە. لەم پارادایمەدا   سیاسەت و ئەخلاق  هاوتەریبن  لێك دابڕانیان بۆ نییە،  فەلسەفە ش هاوتەریبی  دیموكراتییە.
‎لەهیچ كام لە ئایدیۆلۆژیا باوەكانی  جیهان ئەدوو چەمكە هاوتەریب نین.
‎تەنانەت لە ئایدیۆلۆژیای ئیسلامی سیاسیش (ئیخوانیزم، وەهابیزم ،سەلەفیزم ) ئەو دوو چەمكە    گرێدراوی یەك نین .
‎بەڵكو  هەتا  بیرمەندێكی وەكو میكافیلی  دەڵێت سیاسەت و ئەخلاق دوو كایەی لەیەك جیاوازن. ئیمام عەبولفەتاح ئیمام. كەنووسەرێكی گەوری میصرە ئەویش قسە لەسەر جیاوازی گۆرەپانی  سیاسەت و ئەخلاق دەكات.
‎ئەوەی ئەم دوو  چەمكەی بەپێكەوەیی لا گرنگە بیرمەند ئۆ_جا_لانە.
‎سیاسی و سەركردە، حیزبەكانی باشوور چونكە خاوەنی.  فەلسەفەی سیاسی ئەخلاقی دیموكراتیك نین.دەبین سیستمێكی كلیپتۆكراسیان(دز سالاری،چەتەگەراییان  )  بونیاد ناوە .بوون بەبارێكی گران بەسەر شانی كۆمەڵگەوە. خۆ ئەوان  بەس خەریكی پارەو دەسەڵاتخوازی و ستەمكارین .ڕۆژنامەنوس و ڕەخنەگر زیندان  و تیرۆر دەكەن .
‎ئا_پ _ۆ لە زیندانەوە  فەلسفە دەئافرێنێت ئەمانیش گێژاو دە
‎خوڵقێنن.ئەو بەپارادایمی  سۆسیالیزمی كۆمەڵگەی دیموكراتیك.دەیەوێت ژیانێكی ئاسودە،ئارام،   خۆشگوزەران ،تەندروست .....بۆ كوردو گەلان  فەراهەم بكات.ئەمانیش لەڕێگای برسی كردنی  كۆمەڵگەوە شكۆو كەسایەتی مرڤی كورد دەشكێنن.
‎ئەمان لەبری فیكرو فەلسەفە   هەژاری و برسێتی دەخوڵقێنن.
‎سۆسیالیزمی كۆمەڵگەی دیموكراتیك  تێپەڕاندنی   ئەو مۆدیلە  شكستخوادووە خێڵگەرایی،نەتەوەگەرایی سەرەتایی، تاكگەرایی لیبرالیزم ، ئاینگەرایی  دۆگماتیزم،خێزانگەرایی ،دكتاتۆریەتەیە ......  هەوێنە بۆ  كۆمەڵگەیەكی  ئازاد،سیاسی ئەخلاقی دیموكراتیك .
‎مۆدێلێكی نوێی جیهانیە بۆ بەڕێوە بردنی كۆمڵگە .ڕزگاربوونە لەبەڵاكان و ئەو گێژاوەی  لیبرالزمی نوێ   و دەوڵەت نەتەوەو سەرمایەداری خوڵقاندویانە.

ئەم وتارە دەربڕی بۆچونی نووسەر خۆیەتی