١- بە تێپەڕبوونی کات
ئێدی ئیسرائیل توانا سەربازییەکانی کەمتر دەبێتەوە بە هۆی بەکارهێنانی بەردەوامی زەخیرەی
سەبازی و بڕیاری راگرتنی شەڕ دەدات؛ ئەمە ئەگەرێکی دوورە چونکە راوەستانی جەنگ واتە
کۆتایی سیاسی ناتانیاهۆ.
٢- ئیران بڕیاری ئاگربەست
دەدات و داوای گفتگۆ دەکات لە گەڵ ئیسرائیل، ئەم ئەگەرە مانای خۆبەدەستەوەدانە لە پێناو
پاراستنی رژێم کە لە کۆتاییدا کاریگەریەکی گەورەی نیگەتیڤی لە سەر ووینەی ئێران لە
نێو بەرەی مقاوەمە و ڕۆژهەڵاتی ناوەڕاست دەبێت.
٣- ئێران بڕیاری ڕاوەستاندنی
بەرنامە ئەتۆمییەکەی و برەودان بە مووشەکی بالیستی بدات لە پێناو دەربازبوون لە ئەگەری
کەوتنی رژێمەکەی، ئەم ئەگەرە بە مانای قبوڵکردنی شکست دێت، و پاش ئەو هەموو قوربانی
دانە وەک خواردنەوەی پیاڵە یەک ژەهر وایە بۆ رابەری ئێران.
٣- لە ئەگەری هێرشکردنە
سەر پێگە سەربازییەکانی ئەمریکا یاخود کوشتنی هاوڵاتیکی ئەمریکی لە تەل ئەبیب و لەم جەنگەدا لە لایەن ئیرانەوە، ئەمریکا ناچار
دەبێت بکشێتە ناو جەنگەکەوە و تای تەرازووی جەنگەکە زیاتر بە لای زیانی ئێران لاسەنگتر
بکات.
٤- قەتەر، ئەردەن، یان
سعودییە بکرێن بە ئامانج لە لایەن ئێران یان لایەنەکانی سەر بە ئیران ئەمەش دۆخەکە
شلۆقتر دەکات و جەنگەکە درێژە پێ دەدات کە لە سوودی ئیران نابێت.
٥- لە نێوخۆی ئێراندا
شێوە کودەتایەک ڕووبدات و ئەرتەش رۆلی سوپا
و حکومەت لاواز بکات و هەڵبژاردنی پێشوەخت ئەنجام بدرێت بۆ پێکهێنانی حکومەتێکی نۆی بە سەرکردایەتی ریفۆرمخوازەکان.
٦- شلۆقبوونی دۆخی ئابووری
جیهان بەهۆی بەرزبوونەوەی بەردەوامی نرخی نەوت و گاز کە لە سوودی روسیا و ڤەنزوێلایە
بە هۆی ئەوەی ئێدی ریسکی ناردنەدەرەوەی نەوت و گازی رۆژهەلاتی ناوەراست زۆرترە و ئەگەری
وەستانی بە هۆی جەنگەوە زیاترە.
٧- بەردەوام بوونی ئیسرائیل لە لێدانەکانی و بە ئامانج گرتنی
لێپرسراوانی ئێران و رەخساندنی هەلی گۆڕینی رژێم بۆ هاولاَتیانی ئیران، بەمەش بۆشاییەکی
ئەمنی و سیاسی گەورەی هاوشێوەی دۆخی عێراق و سوریا دروست دەبێت، ئەوی جێگەی ئاماژەیە
لە دووەم رۆژی ئەم هێرشانەوە ئیسرائیل گوتاری خۆی لە ناچارکردنی ئێران بە وازهێنان
لە پرۆگرامە ئەتۆمی و بالیستیەکەی یەوە گۆڕیوە بە گۆڕینی نیزام لە ئێران لەبەر ئەوە
ئەم سیناریۆیە ئەگەری زیاترە..
ئارام کۆکۆیی
ئەم وتارە دەربڕی بۆچونی نووسەر خۆیەتی