ڕوانینی ئەوروپیەکان سەبارەت بە دۆخی جەنگی نێوان ئێران و ئەمریکاو ئیسرائیل بەسەر سێ پاڕادایمی جیاوازدا دابەش بوون.
١.بەشێکیان ئەو ووڵاتانەن کە خاوەنی هێزی سیاسی و سەربازی بەهێزن لەناو یەکێتی ئەوروپادا وەک ووڵاتانی فەڕەنساو ئەڵمانیا و بریتانیا و اسبانیا هەندێ ووڵاتی تری دەرەوەی یەکێتی ئەوروپا کە بەشدارن لە پرۆسەی جەنگەکەدا ،
بە دیسکۆرسیەکی جیاواز، کە نایانەوێت بە شێوەیەکی ئاشکراو فەرمی بانگەوازی بەشداری خۆیان بناسێنن بۆ جەنگەکە؟
هۆکاری بنچینەیی ئەم پاڕادایمیە دەگەڕێتەوە بۆ باڵادەستبوونی هەندێ لە گروپە پرۆکسیەکانی سەربە ئێران لە ئەوروپادا ، بەتایبەتی ئەو عەرەبانەی کە هەڵگری ئایدیای ڕادیکاڵن وە توانای بەرهەم هێنانی کەرەسەیی سەربازیی کلاسیکیان هەیە وەکو بۆمبی بچوك و پشتینەی بۆمبڕێژکراو ، لەناو دڵی ئەوروپادا لە دژی بەرژەوەندیە ستراتیژیەکانی یەکێتی ئەوروپا .
بەپێێ هەندێ ڕاپۆرتی هەواڵگری دەزگای (دی، ژی،سی،ئی) فەرەنسی کەتایبەتە بەکۆکردنەوەی زانیاری هەواڵگری ناوخۆیی فەرەنسا . لە بەشێکی لێدوانەکانی بەرپرسانی ئەو دەزگایە دووپاتی ئەوە دەکەنەوە کە ئامادەکاریی بەشێکی گروپە توند ئاژۆکانی سەربە گروپەکانی وەك حیزباللە لوبنانیو حەماس لە فەرەنساو بەلجیکاوهولندا دەژین ئامادەیی ئەویان هەیە ، کە بتوانن هێرشی تیرورستی بۆسەر بەشێک لە دامەزراوە ئابوریی سەربازییەکانی ئەوروپا بکەن. بەتایبەتی ئەو شارانەی کە جالیەیی جولەکەیان زۆرە، وە بەرژەوەندیی سیاسیو ئابووری سەربازیی ئیسرائیل و ئەمریکا لێیە باشترین نمونە هەوڵدان بۆ تەقاندنەوەی نووسینگەیەکی کەلتوری جوولەکە لەشاری( لیژ)ی ووڵاتانی بەلجیکا لە سەرەتایی هەڵگیرساندنی جەنگەکەوە.
هاوکات دەزگای (بی،ئین،دی) ئەڵمانیا زیاترپێداگری دەکاتەوە لە مەترسیە ناخۆیەکان کە ڕووبەڕوویی ئەڵمانیاو ووڵاتانی ئەوروپا بونەتەوە لەلایەن هێزە پرۆکسیەکانی سەر بەگروپە ئیسلامیە توندڕەوەکان . بەئاشکرا دەڵێن ئەوروپا توانایی کۆنترۆڵکردنی ئەوگروپانەی نیە کە هەڵگری ڕەگەزنامەیی ئەوروپاو ناسنامەیی نیشتەجیبوونیان هەیە . بەتایبەت ئەو شانە نهێنیانەی بزوتنەوەی حەماسی فەلەستینی لە ئەڵمانیا کەتوانای مرۆیی زۆریان هەیە بۆ بەرهەم هێنانی بۆمبی تەوقیتکرا بۆ حالەتی تەقاندنەوەی شوێنە گشتیەکان. وە پابەندبوونی خۆیان بۆجەنگەکە لە دژی ئیسرائیل و ئەمریکا ڕاگەیاندوە بەتایبەتی دژ بە دامەزراوە سەربازیەکانی ئەمریکا لە ئەوروپا ، و دامەزراوەی سەربازی شاری (شتوگارت)ی ئەلمانیا کە خاوەنداریتیەکەی دەگەرێتەوە بۆ ئەمریکا.
٢.بەشێکی هێزە سیاسیی وکۆنزەرڤاتیڤەکانی لەگەڵ ناوەندە ستراتیژی و بڕیاربەدەستەکان ئەوروپا دژی هەیمەنەی ئەمریکان لەناوچەکەدا، تێڕوانینیەکی جیاوازیان هەیە لەدژی هەڵگیرساندنی جەنگەکە .
دژی دروشمی ئەمریکا فێست واتە ئەمریکی یەکەم . زۆربەیان دژی ئەو بۆچوونە پاوانخوازیەی ئەمریکاوئیسرائیلن ، وەپێچەوانەی پاشکویی باڵادەستی سیاسەتی دەرەوەیی ووڵاتە یەکگرتووەکانی ئەمریکان لە ناو یەکێتی ئەوروپادا . ئەم تێزانە زیاتر گرێدراوی سیاسەتی ئەو گروپ وهێزانانە کەهەڵگری ئایدیا چەپ ونیولیبڕالی ئەوروپان. بەتایبەتی ئەو پلاتفوڕمە کۆمەلایەتیانەی کە لەژێر کاریگەریی بیری مرۆڤدۆستی و پاراستنی یەکە جیاوازەکانی کۆمەڵگای ئەوروپی کە پێیان دەوترێت مەڵتی کەڵچەر.
ئەم گروپانە ڕۆڵێکی هێجگار کاریگەریان هەبوو لە ڕێگەپێدانی دروستبوونی گروپە توند ئاژۆکانی ئیسلامی سیاسی لە ناو یەکێتی ئەوروپا لەژێر تایتڵی پاراستنی مافی مەدەنی دروستکردنی فەزایی ئازادو فرە کەلتوری لەناو ژیانی گشتی ئەوروپادا.
٣.نوخبەی سیاسی بێلایەن کە بەشێکیان بەشدارن لە پرۆسەیی سیاسی ئەوروپادا هەندێکیان ئەو هێزانەن کە ئوپۆزسیونن لەناو پەرلەمانو حکومەتی یەکێتی ئەوروپا دا، پرسیاری جدیان ئەوەبووە، کە بەردەوام ڕووبەڕووی ماکرۆن بەشێک لە سەرکردەکانی ئەوروپا دەکرێتەوە . دەڵێن ئێمە بەچ پاساوێك هێزی مەعنەوی مرۆیی و سەربازیی خۆمان بەکاربێنن بۆ شەڕی بەرژەوەندیەکان ئیسرائیل و ئەمریکا ؟ وە هەندێکی تریان هەمیشە باس لە لێکەوتە خراپەکانی جەنگی ئەفغنستان و عێراق و قاعیدە دەکەن وە پەیوەستی دەکەنەوە بە هەڵوێستی ئەمریکا لە بەرامبەر ئەوروپا بەتایبەتی لەدوای جەنگەکە ، دەڵین جگە لە شڵەژنی ژێرخانی ئابووری و هەڵاوسانی هێزی دراوی (ئیرۆ) لە بەرامبەر (دۆلاری) ئەمریکی چ سودێکی ئەرینیان ڵی بینوە، لەبەر ئەوە بەشداری کردنمان زیانی گەورەیی دەبێت بۆ بازاڕی یەکگرتووی ئەوروپا.
ئەم دیدگایە تا ئەندازەیەک هەڵگری بیرکردنەوەیەکی واقیعیە ، بەتایبەتی بۆ ڕازی کردنی کۆمەڵگایی ئەوروپی و بڕیاڕی دەستەجەمعی جەنگەکە؟ لەبەر ئەوە هەمیشە بڕیاڕی بەشداریکردنی جەنگ پێویستی بە پاساوی لوجێکی هەیە کە بتوانرێت لەپاش جەنگەکە لێکەوتەکانی لە بەرژەوەندی ووڵاتەکەی بێت. بەڵام هەتا ئیستا سەرکردەکانی ئەوروپا توانای وەڵامدانەوەی لوجیکەیان نیە بۆ ئەو پرسیارانەی کە ڕۆژانە لە میدیاکانەوە ڕووبەڕوویان دەکرێتەوە . وە توانای ڕازیکردنی بەشێکی زۆری ناوندە سیاسی و ئەکادیمیەکانی ئەوروپا یان نیە، بۆ بەشداری لە جەنگەکە وەکو هاوپەیمانیەکی کرداری لەگەڵ ئەمریکا و ئێسرائیلدا.
سوود لە زانیاریەکانی دەزگای هەواڵگری فەرەنسا وەگیراوە.
دەزگای چاودێروکۆکردنەوەی زانیاری هەواڵگری ناوخۆیی ئەڵمانیا و بەلجیکا وەرگیراوە.
ئەم وتارە دەربڕی بۆچونی نووسەر خۆیەتی