لە رۆژانی جەژنی ڕەمەزاندا 200 هەزار گەشتیار سەردانی هەرێمی كوردستانیان كردووە.
سیروان تۆفیق بەڕێوەبەری بەبازاڕكردنی گەشتوگوزار بۆ ڕۆژنامەی سەباح دەڵێت:”پارێزگاكانی هەرێمی كوردستان لە ڕۆژانی جەژندا پێشوازییان لە نزیكەی 200 هەزار گەشتیار كردووە، كە زۆرینەیان لە پارێزگاكانی ناوەڕاست و باشووری عێراقەوە هاتبوون”.
هەروەها ئاماژەی بەوەشكردووە “هەرێمی كوردستان لە ماوەی سێ مانگی ڕابردوودا پێشوازی لە یەك ملیۆن و ٥٠٠ هەزار گەشتیار كردووە.”
دەشڵێت، بەرنامەیان هەیە ئەمساڵ رێژەی هاتنی گەشتیار بگەیەننە هەشت ملیۆن و تا ساڵی 2030 بیگەیەننە 20 ملیۆن گەشتیار.