سێرگی لاڤرۆڤ وەزیری دەرەوەی رووسیا رایگەیاند لە میانەی چەند پەیوەندییەكدا پەیامێكی ئێران بە ئیسرائیلییەكان گەیەندرا كە ئێران خوازیاری پەرەسەندنی زیاتر نییە.
وەزیری دەرەوەی رووسیا گوتی، ئەو هەڵوێستەی ئێرانمان گەیاندە ئیسرائیلییەكان بە دڵنیایی و بە ڕوونی كە ئێران پەرەسەندنی نوێی ناوێت، ئەوەمان بە ئیسرائیلییەكان گوتووە.
ئەوە لەكاتێكدایە بەرپرسێكی ئێرانی بۆ رۆیتەرزی راگەیاندووە هیچ پلانێكیان بۆ وەڵامدانەوەی هێرشەكەی ئەمڕۆ نییە، چونكە لەسەرچاوەكەی دڵنیا نین كێ كردویەتی.
رۆژنامەی جیرۆزالیم پۆستی ئیسرائیلیش بڵاویكردەوە ئێران خوازیاری وەڵامدانەوەی هێرشەكەی ئەمڕۆ نییە تا خۆی لە شەڕی گەورە لابدات.