شارپرێس:
بەبڕیارى ئەنجومەنى وەزیرانى هاوردەکردنى زێڕ لەفڕۆکەکانى
بەسرە هەولێرو سلێمانیەوە قەدەغە کرا.
ئەنجومەنى وەزیرانى عێراق بڕیاریدا کە هاوردەکردنى زێر
لە هەرسێ فڕۆکەخانەى بەسرەوهەولێرو سلێمانى قەدەغە بکرێت و تەنیا لە دوو فڕۆکەخانەوە
زێر هاوردە بکرێت.
لەوبارەیەوە تاهیرعەبدوڵا بەڕێوەبەرى فڕۆکەخانەى سلێمانى
لەبارەى بریارەکەى ئەنجومەنى وەزیرانى عێراقەوە بە بڕیارێکى سیاسى ناوی دەبات و دەڵێت"
ئەمە بریاریکى سیاسىیەو دیارە ئامانجێکى تایبەتیان هەیە کە ئەو بڕیارەیان
داوە".
ئاماژەى بەوەشکرد، قەدەغەکردنى هاتنى زێڕ لە رێگەى
فڕۆکەخانەکانى هەرێمەوە زیانێکى ئابورى زۆر بە هەرێمى کوردستان دەگەیەنێت و ئاستى
بازرگانى لە هەرێم بەرێژەیەکى بەرچاو کەم دەکات.
تاهیر عەبدوڵا جەختیکردەوە پێویستە حکومەتى هەرێم گفتوگۆ
لەگەڵ بەغدا بکات و کێشەکە چارەسەر بکات.
بەو پێیە زێڕنگەرەکان و بازرگانانى هەرێم ناتوانن زێر لە
وڵاتانەوە راستەوخۆ بۆ هەرێمی کوردستان بهێنن، بەڵکو دەبێت لە فرۆکەخانەى بەغداوە زێر
هاوردە بکەن.
س.هـ